تیرے سخیا وسدے بوہے توں خالی ٹر جاواں تے گل کجھ نئیں
تیرے ہندیاں سندیاں لج پالاں گل پین بلاواں تے گل کجھ نئیں
Tere sakhya wasde bohe toon khaali tre rawan te gal kujh nai
Tere hundiyan sundiyan laj paalan gal pain bulawan te gal kujh nai
کر پوری آس توں سینے دی ہووے حاضری شہر مدینے دی
جے رنگ نہ لیاون محبوبا آج میریاں دعاواں تے گل کجھ نئیں
Kar poori aas toon seene di howe hazri shehar madine di
Je rang na liawan mahbuba aaj meriyan duawan te gal kujh nai
سر سائے دکھاں درداں دے ہتھ دامن ہوون مرداں دے
گل اپنیاں درداں دی جا کے ہوراں نوں سناواں تے گل کجھ نئیں
Sar saay dukhan dardan de hath daman howan mardan de
Gal apniyan dardan di ja ke howran noo sunawan te gal kujh nai
پھل ہوئے پتیاں پتیاں نے لوواں وی تتیاں تتیاں نیں
جے ٹھنڈیاں ٹھنڈیاں گلشن وچ چلن نہ ہواواں تے گل کجھ نئیں
Phul howe patiyan patiyan ne lowan wi tattiyaan tattiyaan ne
Je thandiyan thandiyan gulshan vich chalan na hawawan te gal kujh nai
تساں لیتے کرم ہزاراں تے مینوں مان بڑے سرکاراں تے
ایڈے اچیاں سچیاں دے در تے ہوون نہ عطاواں تے گل کجھ نئیں
Tusan lete karam hazaraan te mainu maan bare sarkaran te
Ede achiyan sachiyan de dar te howan na atawan te gal kujh nai
کوئی میں جیہا مندڑا حال وی نئیں کوئی تیرے جیہا لج پال وی نئیں
تیرا در چھڈ کے جے در در تے میں دیواں صداواں تے گل کجھ نئیں
Koi main jeha mandra haal wi nai koi tere jeha laj paal wi nai
Tera dar chhad ke je dar dar te main diwan sadawan te gal kujh nai
میرے دل دے روگاں دا دارو ہے کول نیازی سوہنے دے
میرے جیہاں روگیاں نوں جے کر دیوے نہ دواواں تے گل کجھ نئیں
Mere dil de rogaan da daaru hai kol Niazi sohne de
Mere jeha rogiyaan nu je kar deve na dawaawan te gal kujh nai
Share This Naat
Share with friends and family
تیرے سخیا وسدے بوہے توں خالی ٹر جاواں تے گل کجھ نئیں
عبدالستار نیازی