رکھے ہیں حمد و نعت کے موتی سنبھال کے
لائی تھی جو میں دل کے صدف سے نکال کے
Rakkhe hain hamd o naat ke moti sambhal ke
Layi thi jo main dil ke sadaf se nikaal ke
خیر الوریٰ کی یاد میں کٹتے ہیں رات دن
لگتا ہے آنے والے ہیں لمحے وصال کے
Khair ul wara ki yaad mein kattay hain raat din
Lagta hai aanay walay hain lamhay wisaal ke
شمس الضحیٰ کے نور سے روشن ہے ماہتاب
ہیں معترف نجوم بھی ان کے جمال کے
Shams ud duha ke noor se roshan hai mahtaab
Hain mutarif nujoom bhi un ke jamaal ke
ایمان ملا عشقِ نبی بھی عطا ہوا
کس اوج پر نصیب ہیں حبشی بلال کے
Imaan mila ishq-e-nabi bhi ata hua
Kis oaj par naseeb hain habshi bilal ke
جب بھی تڑپ کے عرض کی در پر بلا لیا
بے حد کرم ہوئے ہیں شہِ بے مثال کے
Jab bhi tarap ke arz ki dar par bula liya
Bay had karam huay hain shah-e-bemisaal ke
ہندہ کو بھی معاف کیا جس کریم نے
قرآں میں تذکرے ہیں اسی خوش خصال کے
Hindah ko bhi maaf kiya jis kareem ne
Qur’aan mein tazkuray hain isi khush khisaal ke
اس ناز پر ہیں آپ کی بے حد نوازشیں
لائی ہے ساری نعمتیں دامن میں ڈال کے
Is naaz par hain aap ki bay had nawazishain
Layi hai sari ni'maten daaman mein daal ke
Share This Naat
Share with friends and family
رکھے ہیں حمد و نعت کے موتی سنبھال کے
صفیہ ناز