کوئی بھی نہ محبوبِ خُدا سا نظر آیا
جِس آن میں دیکھا اُسے یکتا نظر آیا
Koi bhi na mahboob-e-Khuda sa nazar aaya
Jis aan mein dekha usey yakta nazar aaya
اُس کو بھلا کیا آپ کا سایہ نظر آئے
جس آنکھ کو اللہ کا سایا نظر آیا
Us ko bhala kya aap ka saaya nazar aaye
Jis aankh ko Allah ka saaya nazar aaya
ظاہر تری صُورت سے ہوا حُسنِ ازل بھی
دیکھا جو مدینے سے تو کعبہ نظَر آیا
Zahir teri soorat se hua husn-e-azal bhi
Dekha jo Madine se to Kaaba nazar aaya
مطلُوبِ دو عالم بھی ہیں محبوبِ خدا بھی
اک ذات میں اُن کی ہمیں کیا کیا نظر آیا
Matloob-e-do aalam bhi hain mahboob-e-Khuda bhi
Ek zaat mein un ki humein kya kya nazar aaya
مَر جاتے اگر دل میں تری یاد نہ آتی
صد شُکر کہ جینے کا سہَارا نظر آیا
Mar jaate agar dil mein teri yaad na aati
Sad shukr ke jeene ka sahara nazar aaya
ذرّے درِ اقدس کے ہیں مہر و مہ و انجم
گردُوں بھی گدائے شہِ والا نظر آیا
Zarre dar-e-Aqdas ke hain mehr o mah o anjum
Gardo bhi gadaaye shah-e-waala nazar aaya
جا کر نہ اُٹھی آنکھ سُوئے گنبدِ خضرا
دیکھا ہے وہی دُور سے جِتنا نظر آیا
Ja kar na uthhi aankh su-e-Gumbad-e-Khazra
Dekha hai wohi door se jitna nazar aaya
اعظؔم مرے ہم عصر خدایانِ قلَم میں
کوئی نہ محمؐد کا شناسا نظر آیا
Aazam mere hum asr khudayaan-e-qalam mein
Koi na Muhammad ka shanaasa nazar aaya
Share This Naat
Share with friends and family
کوئی بھی نہ محبوبِ خُدا سا نظر آیا
محمد اعظم چشتی