سر بلندی کی روایت سرکٹا نے سے چلی
نبض ایماں تیری نبضیں ڈوب جانے سے چلی
Sar bulandi ki riwayat sar katane se chali
Nabz e imaan teri nabzein doob jane se chali
گھر سے تجھ کو کر بلا کی سمت جاتا دیکھ کر
ابر اُٹھا صحرا سے بجلی آشیانے سے چلی
Ghar se tujh ko Karbala ki simt jata dekh kar
Abr utha sehra se bijli aashiyane se chali
خون سے تو نے بنایا راستہ سچائی کا
آدمیت حق کی راہوں پر چلانے سے چلی
Khoon se tu ne banaya rasta sachai ka
Adamiat haq ki rahon par chalane se chali
نذرِ دیں جاں ہی نہیں سب لخت جاں بھی کردیے
رِیت یہ تجھ سے چلی تیرے گھرانے سے چلی
Nazar e deen jaan hi nahi sab lakht e jaan bhi kardiye
Reet ye tujh se chali tere gharane se chali
آنے والا لمحہ تیری بیعت کر چکا
بات تیری از سرِ نو ہر زمانے سے چلی
Aane wala lamha teri bait kar chuka
Baat teri az sar e no har zamane se chali
میں محمد کا غلام آلِ محمد کا غلام
اپنی ہر تصویر اِس آئینہ خانے سے چلی
Main Muhammad ka ghulaam Aal e Muhammad ka ghulaam
Apni har tasveer is aaina khane se chali
تو نے معنی ہی بدل ڈالے شکست و فتح کے
رسم ہستی اپنی ہستی کو مٹانے سے چلی
Tu ne maani hi badal dale shikast o fath ke
Rasm e hasti apni hasti ko mitane se chali
زندگی مومن کی ہوتی ہے مظفر ؔامتحاں
کشتی اسلام گردابوں میں آنے سے چلی
Zindagi momin ki hoti hai Muzaffar imtihaan
Kashti Islam gardabon mein aane se chali
Share This Naat
Share with friends and family
سر بلندی کی روایت سرکٹا نے سے چلی
مظفر وارثی