کیا ہے ہجر کے احساس نے اداس مجھے
بلا ہی لیجئے سرکارؐ اپنے پاس مجھے
Kya hai hijr ke ehsaas ne udaas mujhe
Bula hi lijiye Sarkarؐ apne paas mujhe
نقاب راز کا مجھ سے تو اٹھ نہیں سکتا
شریعتِ شہِ ابرارؐ کا ہے پاس مجھے
Niqab raaz ka mujh se to uth nahi sakta
Shari’at-e-Shahe Abrarؐ ka hai paas mujhe
یقینِ لطف و کرم میں سرفراز رہا
ملی نہ راہ ِ وفا میں کہیں بھی یاس مجھے
Yaqeen-e-lutf o karam mein sarfaraz raha
Mili na raah-e-Wafa mein kahin bhi yaas mujhe
حضورؐ ہی کی غلامی پہ ناز کرتا ہوں
حضورؐ ہی کے کرم کی رہے گی آس مجھے
Huzurؐ hi ki ghulami pe naaz karta hoon
Huzurؐ hi ke karam ki rahe gi aas mujhe
تمہی کو دیکھ کے میں نے خدا کو پایا ہے
بنا دیا ہے تمہی نے خدا شناس مجھے
Tumi ko dekh ke meine Khuda ko paaya hai
Bana diya hai tumi ne Khuda shanaas mujhe
نہ جانے کتنی بہاریں نگاہ سے گزریں
بہارِ کوئے مدینہ ہی آئی راس مجھے
Na jaane kitni bahaaren nigah se guzri
Bahaar-e-kuye Madina hi aai raas mujhe
وہی ہیں اور کوئی بھی نہیں دو عالم میں
یہ کہہ رہے ہیں مسلسل مرے حواس مجھے
Wohi hain aur koi bhi nahi do aalam mein
Yeh keh rahe hain musalsal mere hawaas mujhe
مدام ساقیِ کوثرؐ کا سر پہ سایہ ہے
ستا سکے گی سرِ حشر بھی نہ پیاس مجھے
Madam Saqi-e-Kausarؐ ka sar pe saaya hai
Sata sake gi sar-e-Hashr bhi na pyaas mujhe
لبوں پہ نعت ہے خالدؔ درود دل میں ہے
ملی نجات کی کتنی حسین اساس مجھے
Labon pe naat hai Khalidؔ durood dil mein hai
Mili najat ki kitni haseen asaas mujhe
Share This Naat
Share with friends and family
کیا ہے ہجر کے احساس نے اداس مجھے
خالد محمود خالد