دشتِ مَدینہ کی ہے عجب پربہار صبح
ہر ذَرَّہ کی چمک سے عیاں ہیں ہزار صبح
Dasht-e-Madina ki hai ajab parbahar subah
Har zarra ki chamak se ayaan hain hazar subah
مونھ دھو کے جوئے شیر میں آئے ہزار صبح
شامِ حرم کی پائے نہ ہرگز بہار صبح
Moonh dhoo ke joye sheer mein aaye hazar subah
Shaam-e-haram ki paaye na hargiz bahar subah
لِلّٰہ اپنے جلوۂ عارِض کی بھیک دے
کر دے سیاہ بخت کی شب ہائے تار صبح
Lillah apne jalwah-e-aariz ki bheek de
Kar de siyah bakht ki shab hain taar subah
روشن ہیں ان کے جلوۂ رنگیں کی تابشیں
بلبل ہیں جمع ایک چمن میں ہزار صبح
Roshan hain unke jalwah-e-rangin ki tabishein
Bulbul hain jama ek chaman mein hazar subah
رکھتی ہے شامِ طیبہ کچھ ایسی تجلیاں
سو جان سے ہو جس کی ادا پر نثار صبح
Rakhti hai shaam-e-tayyiba kuch aisi tajaliyain
So jaan se ho jis ki ada par nisar subah
نسبت نہیں سحر کو گریبانِ پاک سے
جوشِ فروغ سے ہے یہاں تار تار صبح
Nisbat nahi sehar ko gareban-e-paak se
Josh-e-farogh se hai yahan taar taar subah
آتے ہے پاسبانِ دَرِ شہ فلک سے روز
ستر ہزار شام تو ستر ہزار صبح
Aate hai pasban-e-dar-e-sheh falak se roz
Sattar hazar shaam to sattar hazar subah
اے ذَرَّۂ مَدینہ خدا را نگاہِ مہر
تڑکے سے دیکھتی ہے ترا انتظار صبح
Ae zarra-e-Madina khuda ra nigah-e-mehr
Tadke se dekhti hai tera intezaar subah
زُلف حضورِ عارِضِ پرنور پر نثار
کیا نور بار شام ہے کیا جلوہ بار صبح
Zulf huzoor-e-aariz-e-purnoor par nisar
Kya noor bar shaam hai kya jalwah bar subah
نورِ وِلادَتِ مہِ بطحیٰ کا فیض ہے
رہتی ہے جنتوں میں جو لیل و نہار صبح
Noor-e-wiladat-e-meh-e-batha ka faiz hai
Rehti hai jannaton mein jo leil o nahar subah
ہر ذَرَّۂ حرم سے نمایاں ہزار مہر
ہر مہر سے طلوع کناں بے شمار صبح
Har zarra-e-haram se numaya hazar mehr
Har mehr se taloo kanha be shumar subah
گیسو کے بعد یاد ہو رخسارِ پاک کی
ہو مشک بار شام کی کافور بار صبح
Gesu ke baad yaad ho rukhsar-e-paak ki
Ho mushk bar shaam ki kafoor bar subah
کیا نورِ دِل کو نجدیٔ تیرہ دَروں سے کام
تا حشر شام سے نہ ملے زینہار صبح
Kya noor-e-dil ko nazdiy-e-teerah daron se kaam
Ta hashr shaam se na mile zainhar subah
حُسنِ شبابِ ذرۂ طیبہ کچھ اَور ہے
کیا کور باطن آئنہ کیا شیر خوار صبح
Husn-e-shabab-e-zarra-e-tayyiba kuch aur hai
Kya koor baatin aaina kya sheer khwar subah
بس چل سکے تو شام سے پہلے سفر کرے
طیبہ کی حاضری کے لیے بے قرار صبح
Bas chal sake to shaam se pehle safar kare
Tayyiba ki hazri ke liye be qarar subah
مایوس کیوں ہو خاک نشیں حُسنِ یار سے
آخر ضیائے ذَرَّہ کی ہے ذمہ دار صبح
Mayoos kyon ho khaak nasheen husn-e-yaar se
Aakhir ziyaa-e-zarra ki hai zimmedar subah
کیا دشتِ پاکِ طیبہ سے آتی ہے اے حسنؔ
لائی جو اپنی جیب میں نقد بہار صبح
Kya dasht-e-paak-e-tayyiba se aati hai aye Hasan
Laayi jo apni jaib mein nagd bahar subah
Share This Naat
Share with friends and family
دشتِ مَدینہ کی ہے عجب پربہار صبح
حسن رضا خان