خدا کا فضل ہے رحمت ہے بارھویں تاریخ
ہمارے رب کی عنایت ہے بارھویں تاریخ
Khuda ka fazl hai rehmat hai barhwin tareekh
Hamare Rab ki inayat hai barhwin tareekh
جلیں وہ جن کے مقدر میں آگ لکھی ہے
ہمیں تو باعثِ رحمت ہے بارھویں تاریخ
Jalen wo jin ke muqaddar mein aag likhi hai
Hamein to baais-e-rehmat hai barhwin tareekh
یہ روز و شب یہ مہ و سال جن کا صدقہ ہیں
انہیں کا یومِ ولادت ہے بارھویں تاریخ
Ye roz o shab ye maho sal jin ka sadqa hain
Inhi ka youm-e-wiladat hai barhwin tareekh
وہ صبح جب کہ حبیب خدا ہوئے پیدا
اسی سحر کی علامت ہے بارھویں تاریخ
Wo subh jab ke Habeeb-e-Khuda huay paida
Isi seher ki alamat hai barhwin tareekh
خدا کے فضل سے ہم سنیوں کو پیاری ہے
سعادتوں کی ضمانت ہے بارھویں تاریخ
Khuda ke fazl se hum Sunniyon ko pyari hai
Sa'adaton ki zamaanat hai barhwin tareekh
وہ رت جگے وہ نوافل، درود اور سلام
ہمارے پیروں کی سنّت ہے بارھویں تاریخ
Wo rat jage wo nawafil, durood aur salam
Hamare peeroon ki sunnat hai barhwin tareekh
ابو لہب کو سزا میں کمی ملے اس دن
ثبوتِ رتبہء نسبت ہے بارھویں تاریخ
Abu Lahab ko saza mein kami mile us din
Saboot-e-rutba-e-nisbat hai barhwin tareekh
شفیعِ روزِ جزا جن کا وصف اقدس ہے
انھیں کی شان کی شوکت ہے بارھویں تاریخ
Shafi'e roz-e-jaza jin ka wasf-e-aqdas hai
Inhin ki shaan ki shokat hai barhwin tareekh
شبِ ولادتِ احمد کی صبح کیا کہیے
بہارِ فضل و فضیلت ہے بارھویں تاریخ
Shab-e-wiladat-e-Ahmad ki subh kya kahiye
Bahaar-e-fazl o fazilat hai barhwin tareekh
ہمیں تو نظمی سکھایا یہی بزرگوں نے
کہ سنیوں کی سعادت ہے بارھویں تاریخ
Hamein to Nazmi sikhaya yahi buzurgon ne
Ke Sunniyon ki sa'adat hai barhwin tareekh
یہ عید عیدوں سے بڑھ کر ہے باالیقیں نظمی
ہمارے قلب کی راحت ہے بارھویں تاریخ
Ye eid eidon se barh kar hai balyeqin Nazmi
Hamare qalb ki rahat hai barhwin tareekh
Share This Naat
Share with friends and family
خدا کا فضل ہے رحمت ہے بارھویں تاریخ
سید آل رسول حسنین میاں برکاتی نظمی