اُٹھا دو پردہ دِکھا دو چہرہ کہ نُورِ باری حجاب میں ہے
زمانہ تاریک ہورہا ہے کہ مہر کب سے نقاب میں ہے
Utha do parda dikha do chehra ke noor-e-baari hijab mein hai
Zamana tareek ho raha hai ke mehr kab se naqaab mein hai
نہیں وہ میٹھی نگاہ والا خدا کی رحمت ہے جلوہ فرما
غضب سے اُن کے خدا بچائے جلال باری عتاب میں ہے
Nahin woh meethi nigah wala Khuda ki rehmat hai jalwa farma
Ghazab se un ke Khuda bachaye jalaal baari itab mein hai
جلی جلی بُو سے اُس کی پیدا ہے سوزش عشقِ چشم والا
کبابِ آہُو میں بھی نہ پایا مزہ جو دل کے کباب میں ہے
Jali jali boo se us ki paida hai sozish ishq-e-chashm wala
Kabaab-e-aahu mein bhi na paaya maza jo dil ke kabaab mein hai
اُنہیں کی بُو مایۂ سمن ہے اُنہیں کا جلوہ چمن چمن ہے
اُنہیں سے گلشن مہک رہے ہیں اُنہیں کی رنگت گلاب میں ہے
Unhein ki boo maaya-e-saman hai unhein ka jalwa chaman chaman hai
Unhein se gulshan mehak rahe hain unhein ki rangat gulaab mein hai
تِری جلو میں ہے ماہِ طیبہ ہلال ہر مرگ و زندگی کا!
حیات جاں کار کاب میں ہے ممات اعدا کا ڈاب میں ہے
Teri jalwa mein hai mah-e-Tayyiba hilaal har marg o zindagi ka!
Hayat jaan-kaar kaab mein hai mamat uda ka daab mein hai
سیہ لباسانِ دار دنیا و سبز پوشانِ عرش اعلیٰ
ہر اِک ہے ان کے کرم کا پیاسا یہ فیض اُن کی جناب میں ہے
Siyah libasan-e-daar dunya o sabz poshan-e-arsh-e-aala
Har ik hai un ke karam ka pyaasa yeh faiz un ki junaab mein hai
وہ گل ہیں لب ہائے نازک ان کے ہزاروں جھڑتے ہیں پھول جن سے
گلاب گلشن میں دیکھے بلبل یہ دیکھ گلشن گلاب میں ہے
Woh gul hain lab haaye naazuk un ke hazaaron jhadtay hain phool jin se
Gulaab gulshan mein dekhe bulbul yeh dekh gulshan gulaab mein hai
جلی ہے سوز جگر سے جاں تک ہے طالب جلوۂ مُبارک
دکھا دو وہ لب کہ آب حیواں کا لطف جن کے خطاب میں ہے
Jali hai soz-e-jigar se jaan tak hai taalib-e-jalwa-e-mubarak
Dikha do woh lab ke aab-e-haywan ka lutf jin ke khitaab mein hai
کھڑے ہیں مُنْکَر نَکِیْر سر پر نہ کوئی حامی نہ کوئی یاور!
بتا دو آکر مِرے پیمبر کہ سخت مشکِل جواب میں ہے
Kharray hain Munkar Nakeer sar par na koi haami na koi yaawar!
Bata do aakar mere paimbar ke sakht mushkil jawab mein hai
خدائے قہّار ہے غضب پر کُھلے ہیں بدکاریوں کے دفتر
بچا لو آکر شفیعِ محشر تمہَارا بندہ عذاب میں ہے
Khudaa-e-qahaar hai ghazab par khulay hain badkaariyon ke daftar
Bacha lo aakar shafee'-e-mahshar tumhara banda azaab mein hai
کریم ایسا مِلا کہ جس کے کُھلے ہیں ہاتھ اور بھرے خزانے
بتاؤ اے مفلِسو! کہ پھر کیوں تمہارا دل اِضطراب میں ہے
Kareem aisa mila ke jis ke khulay hain haath aur bhare khazane
Batao aye maflus-o! ke phir kyun tumhara dil iztirab mein hai
گنہ کی تاریکیاں یہ چھائیں اُمنڈ کے کالی گھٹائیں آئیں
خدا کے خورشید مہر فرما کہ ذرّہ بس اِضطراب میں ہے
Gunnah ki tareekiyan yeh chhaye umand ke kaali ghatayein aayein
Khuda ke khursheed mehr farma ke zarrah bas iztirab mein hai
کریم اپنے کرم کا صدقہ لئیمِ بے قدر کو نہ شرما
تُو اور رضاؔ سے حساب لینا رضاؔ بھی کوئی حساب میں ہے
Kareem apne karam ka sadaqah la'im-e-bey qadr ko na sharma
Tu aur Raza se hisaab lena Raza bhi koi hisaab mein hai
Share This Naat
Share with friends and family
اُٹھا دو پردہ دِکھا دو چہرہ کہ نُورِ باری حجاب میں ہے
احمد رضا خان بریلوی