خواب میں در کھلا حضوری کا
کیا وسیلہ بنا حضوری کا
Khawab mein dar khula Huzoori ka
Kya waseela bana Huzoori ka
اک کسک جب مجھے نصیب رہی
وہ بھی تھا مرحلہ حضوری کا
Ek kasak jab mujhe naseeb rahi
Woh bhi tha marhala Huzoori ka
جیسے جیسے ہوئی پذیرائی
شوق بڑھتا گیا حضوری کا
Jaise jaise hui pazeerai
Shoq barhta gaya Huzoori ka
کیف میں ڈوبتے گئے شب و روز
دَور ایسا چلا حضوری کا
Kaif mein doobte gaye shab o roz
Daur aisa chala Huzoori ka
روئے انور خیال سے گزرا
بابِ روشن کھلا حضوری کا
Roye Anwar khayal se guzra
Bab-e-roshan khula Huzoori ka
آنسوؤں کے چراغ جل اٹھے
جشن برپا ہوا حضوری کا
Aansoo'on ke charagh jal uthe
Jashan barpa hua Huzoori ka
میرے دل میں جو داغِ حسرت تھا
بن گیا آئنہ حضوری کا
Mere dil mein jo daagh-e-hasrat tha
Ban gaya aina Huzoori ka
پیروی ہے حضورؐ کی یا ہے
سفرِ جانّفزا حضوری کا
Peeri hai Huzoor ki ya hai
Safar-e-jaan-afza Huzoori ka
ان کے در پر نصیب ہوتا ہے
حاضری میں مزا حضوری کا
Un ke dar par naseeb hota hai
Hazri mein maza Huzoori ka
لاکھ حائل غمِ زمانہ ہوا
کارواں کب رکا حضوری کا
Laakh hail gham-e-zamana hua
Karwan kab ruka Huzoori ka
ختم ہوگا نہ بعدِ محشر بھی
عملِ ارتقا حضوری کا
Khatam hoga na baad-e-mahshar bhi
Amal-e-irtika Huzoori ka
دل کا سب درد کر بیاں اس میں
نعت ہے سلسلہ حضوری کا
Dil ka sab dard kar bayan is mein
Naat hai silsila Huzoori ka
حاصل ِ زندگی سمجھ تائب
لمحہء دلکشا حضوری کا
Haasil-e-zindagi samajh Taib
Lamhah-e-dilkasha Huzoori ka
Share This Naat
Share with friends and family
خواب میں در کھلا حضوری کا
حفیظ تائب