عَجب کرم شہِ والا تبار کرتے ہیں
کہ نا اُمیدوں کو اُمید وار کرتے ہیں
Ajab karam sheh-e-wala tabar karte hain
Ke naa umeedon ko umeed waar karte hain
جما کے دل میں صفیں حسرت و تمنّا کی
نگاہِ لطف کا ہم انتظار کرتے ہیں
Jama ke dil mein safen hasrat-o-tamanna ki
Nigaah-e-lutf ka hum intezaar karte hain
مجھے فسردگئ بخت کا اَلم کیا ہو
وہ ایک دَم میں خزاں کو بہار کرتے ہیں
Mujhe farsordagi-e-bakht ka alam kya ho
Wo ek dam mein khizaan ko bahar karte hain
اشارہ کردو تو بادِ خلاف کے جھونکے
ابھی ہمارے سفِینے کو پار کرتے ہیں
Ishaara kardo to baad-e-khilaaf ke jhonke
Abhi hamare safeene ko paar karte hain
تمہارے در کے گداؤں کی شان عالی ہے
وہ جس کو چاہتے ہیں تاجدار کرتے ہیں
Tumhare dar ke gadaon ki shaan aali hai
Wo jis ko chahte hain tajdaar karte hain
تمام خلق کو منظور ہے رضا جِن کی
رضا حضور کی وہ اختیار کرتے ہیں
Tamaam khalq ko manzoor hai raza jin ki
Raza huzoor ki wo ikhtiyaar karte hain
بنائی پشت نہ کعبہ کی ان کے گھر کی طرف
جنھیں خبر ہے وہ ایسا وقار کرتے ہیں
Banai pusht na kaaba ki unke ghar ki taraf
Jinhain khabar hai wo aisa waqar karte hain
تمہارے ہجر کے صدموں کی تاب کِس کو ہے
یہ چوبِ خشک کو بھی بے قرار کرتے ہیں
Tumhare hijr ke sadmon ki tab kis ko hai
Ye chub-e-khushk ko bhi beqaraar karte hain
حسنؔ کی جان ہو اس وسعتِ کرم پہ نثار
جو دم میں آگ کو باغ و بہار کرتے ہیں
Hasan ki jaan ho is wus'at-e-karam pe nisaar
Jo dam mein aag ko bagh-o-bahar karte hain
Share This Naat
Share with friends and family
عجب کرم شہِ والا تبار کرتے ہیں
حسن رضا خان