محبوب میرے آجا ، رو رو کے ناں مر جاواں
ڈب ہنجواں دے وِچ چلیاں ، جے آویں تے تر جاواں
mahboob mere aaja, ro ro ke naan mar jawaan
dubb hanjwaan de wich chaliyan, je aave te tar jawaan
اک تیرا دواره ای ، دُکھیاں دا سہارا اے
در چھڈ کے تیرا شاہا ، جاواں تے کدھر جاواں
ik tera dwaara e, dhukiyan da sahara e
dar chhad ke tera shaha, jawaan te kidhar jawaan
جی کردا زیارت لئی ، رو رو کے کراں عرضاں
اوقات میں فیر اپنی ، جد ویکھاں تے ڈر جاواں
jee karda ziarat layi, ro ro ke karaan arzaan
auqaat mein phir apni, jad wekhyaan te darr jawaan
ایہہ من دا ہاں میں تیرے ، دیدار دے قابل نہیں
مولا تیری بستی دا، دیدار تے کر جاواں
eh man da haan mein tere, deedar de qabil nahi
maula teri basti da, deedar te kar jawaan
معراج ہے بس ایہو ، اس ہجر دے مارے دی
سرکار دے راہواں تے ، سر رکھ کے گزر جاواں
meraaj hai bas eho, is hijr de maare di
sarkar de raahwaan te, sar rakh ke guzar jawaan
غم تیرے چ محبوبا ، تھم رو پئے کھجوراں دے
انسان ہاں میں کیویں ، دُکھ ہجر دا جر جاواں
gham tere ch mahbooba, tham ro paye khajooraan de
insaan haan main kiwen, dhukh hijr da jar jawaan
جی کردا اے صائم دا ، ہن شعر ناں جوڑاں میں
سب ورقے کتاباں دے ، بس ہنجواں تھیں بھر جاواں
jee karda ae saim da, han sher naan jordaan mein
sab waraqe kitaabaan de, bas hanjwaan theen bhar jawaan
Share This Naat
Share with friends and family
محبوب میرے آجا ، رو رو کے ناں مر جاواں
علامہ صائم چشتی