آمد ہے نبی کی مکے میں ہر سمت ملک کا ہے جمگھٹ
سرکار کی آمد کے صدقے پر نور حرم کی ہے چوکھٹ
Aamad hai Nabi ki Makay mein har simt malik ka hai jamghat
Sarkar ki aamad ke sadqe par noor haram ki hai chukhat
فاران سے پھوٹی حق کی کرن توحید کی بنسی بجنے لگی
شیطانوں پہ دکھ کے دن آئے مکے سے نکل بھاگے سرپٹ
Faran se phooti haq ki kiran tauheed ki bansi bajnay lagi
Shaitano pe dukh ke din aaye makay se nikal bhaagay sarpat
پاتے ہی اشارہ انگلی کا دو پھاٹ ہوا چندا کا جگر
آدیش ملا جب آقا کا ڈوبا ہوا سورج آیا پلٹ
Patay hi ishara ungli ka do phat hua chanda ka jigar
Aadesh mila jab aaqa ka dooba hua sooraj aaya palat
چَو اُور جہاں میں دھوم مچی مہراج ہوئے جگ کے پیدا
جب نعرۂ جاء الحق گونجا باطل کا راج ہوا چوپٹ
Cho or jahan mein dhoom machi mehraj hue jag ke paida
Jab naarah-e-jaa al haq goonja baatil ka raaj hua chopat
ہم سب کے مسیحا آئے ہیں خوشیوں کے کنول مسکائے ہیں
اے گردشِ دوراں پاس نہ آ، اے غم کی گھٹا نزدیک سے ہٹ
Hum sab ke maseeha aaye hain khushiyon ke kanwal muskaye hain
Ae gardish-e-dauran paas na aa, ae gham ki ghata nazdeek se hat
کعبے میں پڑے ہیں بت اوندھے منہ جھوٹے خداؤں کے لٹکے
سرکار کے جگ میں آنے کی جس وقت ملی ان کو آہٹ
Kaabay mein paray hain but ondhe moonh jhootay khudaon ke latke
Sarkar ke jag mein anay ki jis waqt mili un ko aahat
حاجت ہے شفاعت کی جو تجھے بچنا ہے تپش سے محشر کی
سرکار کے دامنِ رحمت سے اے امتِ عاصی آکے لپٹ
Haajat hai shafaat ki jo tujhe bachna hai tapish se mahshar ki
Sarkar ke daaman-e-rehmat se ae ummat-e-aasi aake lipat
ہم کلمہ نبیؐ کا پڑھتے ہیں صد حیف کہ باہم لڑتے ہیں
منشائے نبیؐ سے ہو کے جدا رکھتے ہیں آپس میں کھٹ پٹ
Hum kalma Nabiؐ ka parhtay hain sadd haif ke baaham lartay hain
Manshae Nabiؐ se ho ke juda rakhte hain aapas mein khat pat
پھرتے ہیں جہاں شاہانِ زمن پھیلائے ہوئے دامانِ طلب
احسنؔ کو بھی یا رب دکھلا دے وہ کوئے نبیؐ نوری چوکھٹ
Phirtay hain jahan shahan-e-zaman phailaye hue daman-e-talab
Ahsanؔ ko bhi ya rab dikhla de wo koo-e-Nabiؐ noori chukhat
Share This Naat
Share with friends and family
آمد ہے نبی کی مکے میں ہر سمت ملک کا ہے جمگھٹ
احسن اعظمی