مہر و مہ نے میرے آقاﷺ ! بات مانی آپ کی
یعنی ہے ارض و سما پر حُکمرانی آپ کی
Mehr o meh ne mere aaqa ﷺ! baat maani aap ki
Yani hai arz o sama par hukmrani aap ki
دیکھ کر ان کے مراتب حیرتی قدسی تھے، جب
کی شبِ معراج رب نے میزبانی آپ کی
Dekh kar in ke maratib, hairati Qudsi the, jab
Ki Shab e mairaaj Rab ne maizbani aap ki
ششدر و حیران سائنس ہے شبِ معراج پر
دم بخود ہے دیکھ کر یہ لامکانی آپ کی
Shashder o hairan science hai Shab e mairaaj par
Dam bakhud hai dekh kar yeh la-makani aap ki
واہ غارِ ثور ،غارِ نور سے روضے تلک
دیکھتے تھے حیرتوں سے ہر نشانی آپ کی
Wah Ghaare Saur, Ghaare Noor se rozae talak
Dekhte the hairaton se har nishani aap ki
کیا کریں ،کیسے گزاریں ، زندگی اپنی یہاں ؟
ہے نصابِ زندگانی ، زندگانی آپ کی
Kya karein, kaise guzaarein, zindagi apni yahaan?
Hai nisaab e zindagani, zindagani aap ki
ہر جگہ توحید کا اعلان بھی، قل ،سے ہوا
پہنچا ہے پیغامِ حق گویا زبانی آپ کی
Har jagah tauheed ka ailaan bhi, Qul, se hua
Pohcha hai paiighaam e Haq goya zabani aap ki
وادیٔ بطحا سے ’’اَو اَدنیٰ‘‘ تلک،میرے کریم
ہر زباں پر ، ہر جگہ ہے ، بس کہانی آپ کی
Waadiye Batha se "Aw Adna'' talak, mere Kareem
Har zabaan par, har jagah hai, bas kahani aap ki
دُشمنوں کے واسطے بھی کی دُعائیں آپ نے
گھر دلوں میں کر گئی شیریں زبانی آپ کی
Dushmanon ke wastay bhi ki duaaen aap ne
Ghar dilon mein kar gayi, sheereen zabani aap ki
از زمیں تا آسماں بلکہ ورائے آسماں
دہر کی ہر چیز آقا ﷺ ! ہے دِوانی آپ کی
Az zameen ta asmaan balka waraaye asmaan
Dehr ki har cheez, aaqa ﷺ! hai diwani aap ki
حیدرؓ و حَسنینؓ و زہراؓ سے محبت ، حِرزِ جاں
کیونکہ الفت آل سے ہے ، شادمانی آپ کی
Haiderؓ o Hasnainؓ o Zahraؓ se muhabbat, hirz e jaan
Kyunke ulfat aal se hai, shaadmani aap ki
میں تہی دامن ، نکمّا، بے ہنر ، پھر بھی شہا !
آپ نے در پر بلایا ، مہربانی آپ ﷺ کی
Main tahi daaman, nikamma, be hunar, phir bhi Shah!
Aap ne dar par bulaya, mehrbani aap ﷺ ki
آپ ﷺ کے نوکر کے لب پر ہے دُعا ہر دم یہی
وقتِ آخر ہو زباں پر نعت خوانی آپ ﷺ کی
Aap ﷺ ke nokar ke lab par hai duaa har dam yehi
Waqt e aakhir ho zabaan par Naat khwani aap ﷺ ki
سُرخرو دونوں جہاں میں ہو گیا ہے وہ جلیل
خوش مُقدر ہے کہ جس نے بات مانی آپ کی
Surkhru dono jahan mein ho gaya hai wo jaleel
Khush Muqaddar hai ke jis ne baat maani aap ki
Share This Naat
Share with friends and family
مہر و مہ نے میرے آقا
حافظ عبدالجلیل