گھڑی مڑی جی بھر آوندا اے
یاد اوہ نور نگر آوندا اے
Ghadi mardi jee bhar aaunda ae
Yaad oh noor nagar aaunda ae
بہندیاں اٹھدیاں ٹردیاں پھردیاں
روضہ پاک نظر آوندا اے
Behndiyan uthdiyan turdiyan phirdiyan
Rauza paak nazar aaunda ae
ادبوں اکھ چُکی نہیں جاندی
سامنے جد اوہ در آوندا اے
Adabon akh chuki nahi jaandi
Saamne jad oh dar aaunda ae
حرف لباں تے اون دی تھاویں
اکھیاں دے وچ ترآوندا اے
Harf labaan te on di thaavain
Akhiyaan de vich taraaunda ae
روح انج راضی ہوجاندی اے
جویں مُسافر گھر آوندا اے
Rooh inj raazi ho jaandi ae
Joee musaafir ghar aaunda ae
اوہدے دَرد بناں کد تائبؔ
شعر گُلاں تے زر آوندا اے
Ohde dard banaan kad taayib
She'r gulan te zar aaunda ae
Share This Naat
Share with friends and family
گھڑی مڑی جی بھر آوندا اے
حفیظ تائب