رل خوشیاں یار مناؤ اللہ نے کرم کمایا
ساڈا کملی والا آیا
Rul khushiyan yaar manao Allah ne karam kamaya
Saada kamli wala aaya
آج ہوئیاں چار چوفیرے اوہدے کرم دیاں برساتاں
ہو یا نور دا نوری چانن سب مکیاں کالیاں راتاں
Aaj huiyan chaar choufere ohde karam diyan barsatan
Ho ya noor da noori chaanan sab mukiyan kaaliyan raatan
تسیں فرشیو فرش سجاؤ، اللہ وی عرش سجایا
ساڈا کملی والا آیا
Tuseen farshiyo farsh sajjao, Allah vi arsh sajaya
Saada kamli wala aaya
چن چڑھیا خوشیاں والا دو جگ دا آیا والی
سراُتے تاج شفاعت نبیاں توں شان نرالی
Chan charhiya khushiyan wala do jag da aaya wali
Sar ute taj shafa'at nabiyaan to shaan nirali
دو جگ تے اسدا سایا جیہدے جسم دا کوئی نھیں سایا
ساڈا کملی والا آیا
Do jag te asda saaya jehde jism da koi nahi saaya
Saada kamli wala aaya
واہ بھاگ حلیمہ تیرے تینوں ملیا کملی والا
تیری جھولی دے وچہ آیا جیہڑا دو جگ دا رکھوالا
Wah bhaag Haleema tere tainu miliya kamli wala
Teri jholi de vich aaya jehda do jag da rakhwala
نہیں ملیا ہور کسے نوں تینوں ملیا جو سرمایا
ساڈا کملی والا آیا
Nahi miliya hor kise nu tainu miliya jo sarmaaya
Saada kamli wala aaya
دو جگ دے اندر ہوئیاں اوہدے نور دیاں روشنائیاں
فرشاں دی گل اک پاسے پئیاں عرشوں پار دہائیاں
Do jag de andar huiyan ohde noor diyan roshnaaiyan
Farshaan di gal ik passe paian arshon paar dahaaiyan
سونہہ رب دی دو جگ اندر اوہدا پایا کسے نئیں پایا
ساڈا کملی والا آیا
Soneh Rab di do jag andar ohda paaya kise nai paaya
Saada kamli wala aaya
تسیں عاصیو او گنہار الله دا شکر بجاؤ
بختاں دے ماریو رل کے اج گیت خوشی دے گاؤ
Tuseen aasio o gunaahgar Allah da shukr bajao
Bakhtaan de maariyo rul ke aj geet khushi de gao
محبوب دے صدقے رب نے رحمت دا مینہ برسایا
ساڈا کملی والا آیا
Mehboob de sadqe Rab ne rehmat da meenha barsaaya
Saada kamli wala aaya
منگدا نئیں نیازی شاہی نئیں منگدا ہور خزینہ
میں اپنی وچ حیاتی تک لاں اک وار مدینہ
Mangda nai Niazi shahi nai mangda hor khazina
Main apni vich hayati tak laan ik waar Madina
اپنے محبوب دے صدقے کر پوری آس خدایا
ساڈا کملی والا آیا
Apne Mehboob de sadqe kar poori aas Khdaya
Saada kamli wala aaya
Share This Naat
Share with friends and family
رل خوشیاں یار مناؤ اللہ نے کرم کمایا
عبدالستار نیازی