ہر شعر مرا مدحتِ طاہر کی طرح ہے
یوں کہیے کہ شہ پارۂ شاعر کی طرح ہے
Har sher mera madhat-e-Tahir ki tarah hai
Yun kahiye ke shah para-e-shaair ki tarah hai
آنکھوں میں رواں قافلہ طیبہ کا ہے رہتا
دل شہرِ مدینہ کے مسافر کی طرح ہے
Aankhon mein rawaan qafila Taybah ka hai rehta
Dil shehr-e-Madina ke musafir ki tarah hai
آتا ہے تو مٹ جاتی ہے سورج کی تمازت
بادل بھی ترے شہر کے زائر کی طرح ہے
Aata hai to mit jaati hai sooraj ki tamazat
Badal bhi tere shehar ke zaair ki tarah hai
بے داغ سراپا ہے غلامِ شہِؐ دیں کا
دل پاک کسی نور کے ظاہر کی طرح ہے
Be daagh sarapa hai ghulam-e-sheh-e-deen ka
Dil paak kisi noor ke zahir ki tarah hai
رکھتا ہے عجب کیفِ ثنا اس کا ترنّم
ہر لفظ ہی اُس شہر کے طائر کی طرح ہے
Rakhta hai ajab kaif-e-sana us ka tarannum
Har lafz hi us shehar ke tair ki tarah hai
میں خوش ہوں بہت اس پہ کہ ہر نعت کا مصرع
روضے کے تنک تاب مناظر کی طرح ہے
Main khush hoon bohat is pe ke har naat ka misra
Rozay ke tanak taab manazir ki tarah hai
تکتا ہوں میں خوابوں میں ، خیالوں میں وہی شہر
ہر سانس مرا اس کے مصوّر کی طرح ہے
Takta hoon mein khwabon mein, khayalon mein wahi shehar
Har saans mera us ke musawwir ki tarah hai
افلاک کی جانب ہے رواں میرا تخیّل
ہر طائرِ فن خلد کے سائر کی طرح ہے
Aflak ki janib hai rawaan mera takhayyul
Har tair-e-fan khald ke sayir ki tarah hai
تُو ، تم ہو کہ وہ چلتی ضمیریں ہیں ولیکن
آقاؐ کے لیے’’آپ‘‘ ضمائر کی طرح ہے
Tu, tum ho ke woh chalti zameerain hain walikan
Aaqa ke liye “aap” zamaair ki tarah hai
Share This Naat
Share with friends and family
ہر شعر مرا مدحتِ طاہر کی طرح ہے
پروفیسر محمد طاہر صدیقی