چار سُو رحمتوں کے اجالے ہوئے بزمِ کونین کے پیشوا آگئے
ذرے افلاک سی باتیں کرنے لگے مصطفےٰ آگئے مصطفےٰ آگئے
Chaar su rehmaton ke ujale hue bazm-e-konaen ke peshiwa agaye
Zarre aflak si baatein karne lage Mustafa agaye Mustafa agaye
غم کے مارے ہوئے مسکرانے لگے، ظلمتوں کے مکیں جگمگانے لگے
بے کسوں کے مقدر ٹھکانے لگے سب کے محسن حبیبِ خدا آگئے
Gham ke mare hue muskurane lage, zulmaton ke makeen jagmagane lage
Be-kason ke muqaddar thikane lage sab ke mohsin Habeeb-e-Khuda agaye
حضرتِ مُوسےٰ جن کو ترستے رہے ابنِ مریم بھی جن کی خبر دے گئے
پہلے آئے ہوئے جن کے پیچھے کھڑے آج وہ خاتم الانبیاء آگئے
Hazrat-e-Musa jin ko taraste rahe ibn-e-Maryam bhi jin ki khabar de gaye
Pehle aaye hue jin ke peeche khade aaj woh khatam-ul-anbiya agaye
بے زبانوں کو طرزِ صدا بخش دی فانی انسانیت کو بقا بخش دی
دشمنِ جاں کی ہر اک خطا بخش دی، بن کے رحمت شفیع الوریٰ آگئے
Be-zabano ko tarz-e-sada bakhsh di faani insaniyat ko baqa bakhsh di
Dushman-e-jaan ki har ek khata bakhsh di, ban ke rehmat Shafee-ul-wara agaye
شب گزیدہ کو نور سحر دے دیا کور دیدہ کو ذوقِ نظر دے دیا
بے نوا کی دُعا کو اثر دے دیا ساری مخلوق کا آسرا آگئے
Shab guzeeda ko noor-e-sehar de diya kor-deeda ko zauq-e-nazar de diya
Be-nawa ki dua ko asar de diya saari makhlooq ka aasra agaye
ذکر کیسے کروں وصفِ سرکار کا کیا بیاں ہو سماں ان کے دربار کا
دل ظہوریؔ بنا مطلع انوار کا جب تصور میں وہ دلربا آگئے
Zikr kaise karun wasf-e-Sarkaar ka kya bayan ho samaa un ke darbaar ka
Dil Zahoori bana matla-e-anwaar ka jab tasawwur mein woh dilruba agaye
Share This Naat
Share with friends and family
چار سُو رحمتوں کے اجالے ہوئے بزمِ کونین کے پیشوا آگئے
محمد علی ظہوری