عرب شریف دے اندر ماہی وسدا اے
اپنا پتہ نشان مدینہ دسدا اے
Arb Shareef de andar maahi vasda ae
apna pata nishan Madina dasda ae
پُھلاں نال چنگیراں بھردیاں جاندیاں نے
جدوں مدینے والا سوہنا ہسدا اے
phullan naal changeeran bhardiyan jandiyan ne
jadon Madine wala sohna hasda ae
بول دے نے جد پنچھی اوہدیاں یاداں دے
دل دے ویہڑے وچوں ہر غم نسدا اے
bol de ne jad panchhi ohdiyan yaadan de
dil de vehre vichon har gham nasda ae
یاد جہدی وِچ مینہہ وسدا اے ہنجواں دا
اوہدے دَم دے نال زمانہ وسدا اے
yaad jehdi vich mehh vasda ae hanjawan da
ohde dam de naal zamana vasda ae
یار غار دے صدقے کرم کما آقا
ناگ ہجر دا مُڑ مُڑ مینوں دسدا اے
yaar ghar de sadqe karam kama Aaqa
naag hijr da mud mud mainu dasda ae
اوہ ناں منگ دا کدی وی فیر رہائی اے
زُلف اوہدی وچ دل جہدا آپھسدا اے
oh na manng da kadi vi pher rehai ae
zulf ohdi vich dil jehda aaphasda ae
صائم میرے لب تے اوہدیاں نعتاں نے
جو حامی ہر بیکس تے بے بس دا اے
Sa'im mere lab te ohdiyan naataan ne
jo haami har bekas te be bas da ae
Share This Naat
Share with friends and family
عرب شریف دے اندر ماہی وسدا اے
علامہ صائم چشتی