اسم تیرا ہے ثنائے تازہ
اک نئی نعت نوائے تازہ
Ism tera hai sana'e taaza
Ek nai naat nawa'e taaza
یوں بھی کہلائی تری بات حدیث
اس میں رہتی ہے ادائے تازہ
Yun bhi kehlai teri baat hadees
Is mein rehti hai ada'e taaza
شہرِ جاناں ہے بہت عطر فشاں
لے کے زلفوں کی ہوائے تازہ
Shehr-e-janan hai bohot itar fishan
Le ke zulfon ki hawa'e taaza
شہرِ انور کے چمکتے کوچے
نسبتِ ضَو کی ضیا ئے تازہ
Shehr-e-anwar ke chamakte kooche
Nisbat-e-zo ki ziya-e taaza
لمس پاتے ہی ترے قدموں کا
ہو گئی خاک شفائے تازہ
Lams pate hi tere kadmon ka
Ho gayi khaak shifa'e taaza
سایہ افگن ہے بہ فیضِ مدحت
حرف و خامہ پہ ردائے تازہ
Saya afgan hai ba faiz-e-mad'hat
Harf o khama pe rida'e taaza
یہ جو مہکا ہے مرا صحنِ سخن
یہ ہے نعتوں کی فضائے تازہ
Ye jo mehka hai mera saḥn-e-sukhan
Ye hai naaton ki fiza'e taaza
نعت لفظوں کی ہے طلعت باری
حرف و معنی کی ضیائے تازہ
Naat lafzon ki hai tal'at bari
Harf o ma'ani ki ziya'e taaza
نعت نعمت کا تشکّر پیہم
شکرِ نعمت کی ادائے تازہ
Naat ne'mat ka tashakkur paiham
Shukr-e-ne'mat ki ada'e taaza
نعت آقا کی عطا کا جوبن
نعت منعم کی عطائے تازہ
Naat aaqa ki ata ka joban
Naat mun'im ki ata'e taaza
نعت آقا کی مجسّم نعمت
نعت آقا کی رضائے تازہ
Naat aaqa ki musammat ne'mat
Naat aaqa ki raza'e taaza
نعت آقا کا کرم بارِ دگر
نعت بندے کی وفائے تازہ
Naat aaqa ka karam baar-e-digar
Naat bande ki wafa'e taaza
نعت احساس کا عجزِ لفظی
نعت تنسیخِ انائے تازہ
Naat ehsaas ka ajz-e-lafzi
Naat tanseekh-e-ana'e taaza
نعت کے حرف، معانی کا بھرم
لطف رہتا ہے ورائے تازہ
Naat ke harf, ma'ani ka bharam
Lutf rehta hai wara'e taaza
اب چلو تم بھی مدینے نوری
لے کے یہ اپنی ثنائے تازہ
Ab chalo tum bhi madine noori
Le ke ye apni sana'e taaza
Share This Naat
Share with friends and family
اسم تیرا ہے ثنائے تازہ
محمد ظفراقبال نوری