وہ جن کی بندگی پر خود عبادت ناز کرتی ہے
خدا کی ان خدا والوں پہ رحمت ناز کرتی ہے
Wo jin ki bandagi par khud ibadat naaz karti hai
Khuda ki un khuda walon pe rehmat naaz karti hai
نبیؐ کی ذات پر رب کی مشیت ناز کرتی ہے
یہ وہ شہکار ہے خود جس پہ قدرت ناز کرتی ہے
Nabi ki zaat par Rab ki mashiyat naaz karti hai
Yeh wo shahkaar hai khud jis pe qudrat naaz karti hai
نبیِ اول و آخر کا بخشا ہے شرف رب نے
مرے آقاؐ کی عظمت پر نبوت ناز کرتی ہے
Nabi-e-awal-o-aakhir ka bakhsha hai sharaf Rab ne
Mere aaqa ki azmat par nabuwat naaz karti hai
وہ ساعت صبح صادق کی ہوئے جب جلوہ گر آقاؐ
نبیؐ کی آمد آمد پر وہ ساعت ناز کرتی ہے
Wo sa'at subha sadiq ki hue jab jalwa gar aaqa
Nabi ki aamad aamad par wo sa'at naaz karti hai
ترے دامن میں جب آگئے ہیں رحمتِ عالم
حلیمہ تیری خوش بختی پہ قسمت ناز کرتی ہے
Tere daman mein jab aagaye hain rehmat-e-aalam
Haleema teri khush bakhti pe qismat naaz karti hai
درِ آقاؐ کی مل جاتی ہے جس کو حاضری خود پر
وہ خوش طالع فرشتوں کی جماعت ناز کرتی ہے
Dar-e-aaqa ki mil jati hai jis ko haazri khud par
Wo khush taalay farishton ki jamaat naaz karti hai
تمامی انبیا ہیں مقتدی اور مقتدیٰ آقاؐ
نبیؐ کی اس امامت پر امامت ناز کرتی ہے
Tamaami anbiya hain muqtadi aur muqtada aaqa
Nabi ki is imamat par imamat naaz karti hai
گزشتہ امتوں سے امتِ سرکار افضل ہے
اسی شانِ فضیلت پر یہ امت ناز کرتی ہے
Guzishta ummaton se ummat-e-sarkar afzal hai
Isi shaan-e-fazeelat par yeh ummat naaz karti hai
مثالِ جاں نثاری پیش کی بوبکر نے ایسی
کہ اس شیدائے سرور پر رفاقت ناز کرتی ہے
Misaal-e-jaan nisari pesh ki bobakar ne aisi
Ke us sheeda-e-sarwar par rafaakat naaz karti hai
عمر سے عادل بے مثل کی توصیف کیا لکھوں
نظامِ عدل پر ان کے عدالت ناز کرتی ہے
Umar se aadil be misal ki tauseef kya likhun
Nizaam-e-adal par un ke adalat naaz karti hai
برائے ارتقائے دیں متاعِ زندگی اپنی
لٹانے والے عثماں پر سخاوت ناز کرتی ہے
Baraye irtiqa-e-deen mataa-e-zindagi apni
Lutaanay wale Usman par sakhaawat naaz karti hai
شجاعت کے دھنی حیدر، ولایت کے امیں حیدر
شجاعت ہے فدا ان پر ولایت ناز کرتی ہے
Shuja'at ke dhani Haidar, wilayat ke ameen Haidar
Shuja'at hai fida un par wilayat naaz karti hai
دیا خلفائے اربع نے وہ دستورِ جہاں بانی
نبیؐ کے چار یاروں پر خلافت ناز کرتی ہے
Diya khulafa-e-arbaa ne wo dastoor-e-jahan baani
Nabi ke chaar yaaron par khilafat naaz karti hai
عمر عثماں، علی، حمزہ، بہتر کربلا والے
ہمارے ان شہیدوں پر شہادت ناز کرتی ہے
Umar Usmaan, Ali, Hamza, behtar Karbala wale
Hamare un shaheedon par shahadat naaz karti hai
شرف نعتِ نبیؐ لکھنے کا جب سے مل گیا احسؔن
قلم کی اس عبادت پر عبادت ناز کرتی ہے
Sharaf naat-e-nabi likhne ka jab se mil gaya Ahsan
Qalam ki is ibadat par ibadat naaz karti hai
Share This Naat
Share with friends and family
وہ جن کی بندگی پر خود عبادت ناز کرتی ہے
احسن اعظمی