naat
(بحوالہ معراج)اور ہی کچھ ہے دو عالَم کی ہَوا آج کی رات
اور ہی کچھ ہے دو عالَم کی ہَوا آج کی رات
سیر کو نکلے ہیں محبوبِؐ آج کی رات
Aur hi kuch hai do aalam ki hawa aaj ki raat
Sair ko nikle hain mehboob-eؐ aaj ki raat
نُور ہی نُور ہے، مہکی ہے فضا آج کی رات
فرش سے تا بہ فلک کون گیا آج کی رات
Noor hi noor hai, mehki hai fiza aaj ki raat
Farsh se taa ba falak kaun gaya aaj ki raat
منتظر، صبحِ کرم کی ہے سرِ باغِ جہاں
باوُضو دیر سے ہے بادِ صبا آج کی رات
Muntazir, subah-e karam ki hai sar-e bagh-e jahan
Ba-wuzu der se hai baad-e saba aaj ki raat
بخش دُوں گا تِری اُمّت کو ترے صدقے میں
خود خدا نے یہ محمدؐ سے کہا آج کی رات
Bakhsh doonga teri ummat ko tere sadqe mein
Khud khuda ne ye Mohammadؐ se kaha aaj ki raat
بخت بیدار ہوں جن کے ، وہ کہاں سوتے ہیں
جاگنے کا ہے حقیقت میں مزا آج کی رات
Bakht bedaar hon jin ke, wo kahan sote hain
Jaagne ka hai haqeeqat mein maza aaj ki raat
چشمِ یعقوبؑ میں یوسفؑ کی ادا ماند ہوئی
دیر تک مصر کا بازار لُٹا آج کی رات
Chashm-e Yaqoobؑ mein Yusufؑ ki ada maand hui
Der tak misr ka bazaar luta aaj ki raat
جانبِ عرشِ بریں اُن کی سواری جو چلی
دست بستہ ہوئے سب شاہ و گدا آج کی رات
Janib-e arsh-e bareen un ki sawari jo chali
Dast basta hue sab shah o gada aaj ki raat
آج کی رات اُجالا ہی اُجالا ہے نصیرؔ
اُن کا مشتاقِ زیارت ہے خدا آج کی رات
Aaj ki raat ujala hi ujala hai Naseerؔ
Un ka mushtaq-e ziarat hai khuda aaj ki raat
Share This Naat
Share with friends and family
(بحوالہ معراج)اور ہی کچھ ہے دو عالَم کی ہَوا آج کی رات
سید نصیرالدیں نصیر