محمدؐ کی اطاعت کر رہا ہوں
خریداریِ رحمت کر رہا ہوں
Muhammad (SAW) ki ita'at kar raha hoon
Khareedari-e-rehmat kar raha hoon
نبی ؐ کو جس نے پہلی بار دیکھا
میں اس لمحے کی بیعت کر رہا ہوں
Nabi (SAW) ko jis ne pehli baar dekha
Main us lamhe ki bai'at kar raha hoon
ترے محبوب کی خاطر الہٰی
تری دنیا میں شرکت کر رہا ہوں
Tere mehboob ki khatir ilahi
Teri duniya mein shirkat kar raha hoon
فراز کرسی و سدرہ پہ چڑھ کر
مدینے کی زیارت کررہا ہوں
Faraaz kursi o Sidrah pe charh kar
Madine ki ziarat kar raha hoon
صحیفہ ہیں جو ہجر مصطفےؐ کا
ان اشکوں کی تلاوت کر رہا ہوں
Saheefa hain jo hijr Mustafa (SAW) ka
In ashkon ki tilawat kar raha hoon
ہیں نعلینِ محمدؐ تاج میرا
غلامی میں حکومت کر رہا ہوں
Hain na'lain-e-Muhammad (SAW) taj mera
Ghulami mein hukoomat kar raha hoon
مجھے کعبہ بہت پیارا ہے لیکن
نبیؐ کے ساتھ ہجرت کررہا ہوں
Mujhe Kaaba bohot pyara hai lekin
Nabi (SAW) ke saath hijrat kar raha hoon
نمازوں کو درودوں سے سجا کر
عبادت ہی عبادت کر رہا ہوں
Namazon ko duroodon se saja kar
Ibadat hi ibadat kar raha hoon
بہت ہی شوق ہے جینے کا مجھ کو
تمنائے شہادت کر رہا ہوں
Bohot hi shauq hai jeene ka mujh ko
Tamanna-e-shahadat kar raha hoon
عمل تو آخرت میں شائع ہوں گے
یہاں ان کی کتابت کر رہا ہوں
Amal to aakhirat mein shai' hoonge
Yahan in ki katabat kar raha hoon
جہاں حسان نعتیں پڑھ رہے ہیں
وہاں کی میں نظامت کررہا ہوں
Jahan Hassaan naatein parh rahe hain
Wahan ki main nizaamat kar raha hoon
مظفر معصیت کے ابر ہوں سے
میں اس دل کی حفاظت کر رہا ہوں
Muzaffar ma'siyat ke abr hoon se
Main is dil ki hifazat kar raha hoon
Share This Naat
Share with friends and family
محمدؐ کی اطاعت کر رہا ہوں
مظفر وارثی