مجھ پر نگاہ لطف شد بحر و بر کی ہے
دامن میں میرے بھیک بھی اُس تاجور کی ہے
Mujh par nigah e lutf shud bahr o bar ki hai
Daman mein meray bheek bhi us tajwar ki hai
دیتے ہیں بھیک مانگتے ہیں پھر گدا کی خیر
یہ بات میرے آقا و مولا کے گھر کی ہے
Detay hain bheek maangtay hain phir gada ki khair
Yeh baat meray aqa o maula ke ghar ki hai
چوما ہے عرشیوں نے بھی سنگ در حضور
عظمت بڑی حضور کے اُس سنگ در کی ہے
Chooma hai arshiyon ne bhi sang e dar Huzoor
Azmat bari Huzoor ke us sang e dar ki hai
اے دوست ذکر پاک کی محفل میں آ کے دیکھ
ذکر نبی دوا تیرے درد جگر کی ہے
Ae dost zikar e pak ki mehfil mein aa ke dekh
Zikar e Nabi dawa teray dard e jigar ki hai
زادِ سفر بھی دے مجھے اذن سفر کے ساتھ
ہمت ہے کوئی مجھ میں نہ طاقت سفر کی ہے
Zad e safar bhi day mujhay izn e safar ke sath
Himmat hai koi mujh mein na taqat safar ki hai
طیبہ کی حاضری سے کبھی جی نہیں بھرا
ہر حاضری میں آرزو بار دگر کی ہے
Tayyaba ki hazri se kabhi je nahin bhara
Har hazri mein aarzoo baar e digar ki hai
مہکیں گے قبر میں مری نعت نبی کے پھول
برکت یہ سب غلامی خیر البشر کی ہے
Mahkain ge qabr mein meri naat e Nabi ke phool
Barkat yeh sab ghulami khair al bashar ki hai
نعت نبی کے صدقے میں سر پر سجا ہے تاج
رحمت یہ مجھ پہ صاحب شق القمر کی ہے
Naat e Nabi ke sadqay mein sar par saja hai taj
Rehmat yeh mujh pe sahib e shiq al qamar ki hai
مہکا گیا ہے کون مرے دل کا گلستان
لگتا ہے مجھ کو یہ ہوا طیبہ نگر کی ہے
Mahka gaya hai kon meray dil ka gulistan
Lagta hai mujh ko yeh hawa Tayyaba nagar ki hai
میرے حضور ہی کا یہ سب فیض نور ہے
آتی نظر جو روشنی شمس و قمر کی ہے
Meray Huzoor hi ka yeh sab faiz e noor hai
Aati nazar jo roshni shams o qamar ki hai
آنکھیں ترس رہی ہیں ملے بھیک دید کی
یہ آرزو حضور میری عمر بھر کی ہے
Aankhein taras rahi hain milay bheek deed ki
Yeh aarzoo Huzoor meri umr bhar ki hai
تیرے کرم کا شکر میں کیسے ادا کروں
عزت جو اہل علم میں مجھ بے ہنر کی ہے
Tere karam ka shukr mein kaise ada karoon
Izzat jo ahl e ilm mein mujh be hunar ki hai
احمد رضا کا فیض نیازی ہے با الیقیں
لکھی جو میں نے نعت شہ بحر و بر کی ہے
Ahmad Raza ka faiz Niazi hai ba al yaqeen
Likhi jo mein ne naat e Sheh bahr o bar ki hai
Share This Naat
Share with friends and family
مجھ پر نگاہ لطف شد بحر و بر کی ہے
عبدالستار نیازی