مدینے شہر دے میں ہر گلی بازار توں صدقے
دیارِ یار تیرے ہر در و دیوار توں صدقے
Madine sheher de main har gali bazar ton sadqe
Dayar-e-yar tere har dar o diwar ton sadqe
مرا دل چیریا کاہدا غم ہستی مٹا چھڈیا
نگاہِ یار میں تیرے ترکھے وار توں صدقے
Mera dil cheria kahda gham hasti mita chhadia
Nighah-e-yar mein tere tarikhay waar ton sadqe
زمیں توں لامکاں دا فاصلہ اک پل چہ طے کیتا
اے عربی شہسوارا اس تیری رفتار توں صدقے
Zameen ton laamakan da fasla ik pal cheh tay kita
Ay Arabi shahsawara is teri raftaar ton sadqe
محبت نال چادر دُشمناں تھلے وچھا دینی
شہنشاہا تیرے اِس خُلق دی تلوار توں صدقے
Muhabbat nal chadar dushmana thallay vichha deni
Shahanshahah tere is khulq di talwaar ton sadqe
کوئی دند توڑ دا اپنے کوئی چڑھدا اے سولی تے
محمد مصطفی دے پیاریاں دے پیار توں صدقے
Koi dand tor da apne koi charhda ay sooli te
Muhammad Mustafa de pyariyan de pyar ton sadqe
نہ واعظ روک صائم نوں کرن دے یارنوں سجدہ
اوہ سر کاہدا اے ناں ہووے جو پائے یار توں صدقے
Na wa'ayz rok sa'im no karn de yaronu sajda
Oh sar kahda ay naa howe jo paye yaar ton sadqe
Share This Naat
Share with friends and family
مدینے شہر دے میں ہر گلی بازار توں صدقے
علامہ صائم چشتی