بسا ہوا ہے نبی کا دیار آنکھوں میں
سجائے بیٹھا ہوں اک جلوہ زار آنکھوں میں
Basa huwa hai Nabi ka diyar ankhon mein
Sajae baitha hoon ik jalwa zar ankhon mein
جو دن مدینے میں گزرے ہیں ان کا کیا کہنا
رچے ہوئے ہیں وہ لیل و نہار آنکھوں میں
Jo din Madine mein guzre hain un ka kya kehna
Rache huye hain wo leil o nahar ankhon mein
دیار پاک کا ہر منظر حسین و جمیل
رہے گا تابہ قضا یادگار آنکھوں میں
Diyar-e-paak ka har manzar haseen o jameel
Rahe ga ta-ba-qaza yadgar ankhon mein
عطا کیا جو مدینے کے باسیوں نے مجھے
مہک رہا ہے ابھی تک وہ پیار آنکھوں میں
Ata kiya jo Madine ke basion ne mujhe
Mehak raha hai abhi tak wo pyar ankhon mein
بغیر دیکھے مدینہ انہیں نظر آیا
ہیں منفرد مِری آنکھیں ہزار آنکھوں میں
Baghair dekhe Madina unhein nazar aya
Hain munfarid miri aankhein hazar ankhon mein
اب اس سے بڑھ کے کوئی سرمہ اور کیا ہوگا
سمیٹ لایا ہوں میں کچھ غبار آنکھوں میں
Ab is se barh ke koi surma aur kya hoga
Simat laaya hoon main kuch ghubar ankhon mein
دیارِ پاک کی جن کو ہوئی ہے دید نصیب
میں ڈھونڈلوں گا وہ آنکھیں ہزار آنکھوں میں
Diyar-e-paak ki jin ko hui hai deed naseeb
Main dhoondloon ga wo ankhon mein hazar ankhon mein
سناؤں گا وہ کہانی حضورؐ کو جا کر
چھپائے بیٹھا ہوں جو اشکبار آنکھوں میں
Sunaon ga wo kahani Huzoorﷺ ko ja kar
Chupae baitha hoon jo ashkbar ankhon mein
ہے اعتماد بھی اقباؔل کو شفاعت پر
سزا کا خوف بھی ہے گنہگار آنکھوں میں
Hai aitmaad bhi Iqbal ko shafaat par
Saza ka khauf bhi hai gunahgar ankhon mein
Share This Naat
Share with friends and family
بسا ہوا ہے نبی کا دیار آنکھوں میں
پروفیسراقبال عظیم