احمد کہوں کہ حامدِ یکتا کہوں تجھے
مولیٰ کہوں کہ بندۂ مولیٰ کہوں تجھے
Ahmed kahoon ke Hamed-e-yakta kahoon tujhe
Moula kahoon ke bandah-e-moula kahoon tujhe
کہہ کر پکاروں ساقیٔ کوثر بروزِ حشر
یا صاحبِ شفاعت ِکبریٰ کہوں تجھے
Keh kar pukaroon saqi-e-Kausar baroz-e-hashr
Ya sahib-e-shafa'at-e-kubra kahoon tujhe
یا عالمین کے لئے رحمت کا نام دوں
یا پھر مکینِ گنبد خَضریٰ کہوں تجھے
Ya 'alameen ke liye rehmat ka naam doon
Ya phir makeen-e-gumbad-e-khazra kahoon tujhe
ویراں دلوں کی کھیتیاں آباد تجھ سے ہیں
دریا کہوں کہ ابر سخا کا کہوں تجھے
Weeran dilon ki khetiyaan aabaad tujh se hain
Darya kahoon ke abr-e-sakha ka kahoon tujhe
تجھ پر ہی بابِ ذات و صفاتِ خدا کھلا
توحید کا مدرسِ اعلیٰ کہوں تجھے
Tujh par hi baab-e-zaat o sifaat-e-khuda khula
Tauheed ka madras-e-a'ala kahoon tujhe
ہے ممْتَنَع نظیر، تری ذات خلق میں
پھر کیا کہوں تجھے جو نہ تجھ سا کہوں تجھے
Hai mumtana' nazeer, tari zaat khalq mein
Phir kya kahoon tujhe jo na tujh sa kahoon tujhe
پاکر اشارہ سورۂ یٰسیں کا اِس طرف
دل چاہتا ہے سید والا کہوں تجھے
Paakar ishara soorah-e-Yaseen ka is taraf
Dil chahta hai Syed wala kahoon tujhe
زہراؓ ہے لختِ دل تو حسنؓ ہے تری شبیہہ
زینبؓ کا یا حسینؓ کا بابا کہوں تجھے
Zahra hai lakht-e-dil to Hasan hai teri shabih
Zainab ka ya Hussain ka baba kahoon tujhe
سرتاجِ انبیا کہ اماں گاہِ اولیا
یا فخرِِ نسلِ آدم و حوّا کہوں تجھے
Sartaj-e-ambiya ke amaan gah-e-awliya
Ya fakhr-e-nasl-e-Aadam o Hawwa kahoon tujhe
بے مثل ہے تری بشریت بھی نور بھی
لکھّوں بر کہ نور سراپا کہوں تجھے
Be misl hai teri bashariat bhi nor bhi
Likhon bar ke nor sarapa kahoon tujhe
تخلیق کائنات کا لکھوں تجھے سبب
یا بزمِ کائنات کا دُولھا کہوں تجھے
Takhleeq-e-kainaat ka likhoon tujhe sabab
Ya bazm-e-kainaat ka dulha kahoon tujhe
لفظوں نے ساتھ چھوڑ دیا کھو چکے حواس
میرے کریم! تُو ہی بتا کیا کیا کہوں تجھے
Lafzon ne saath chhod diya kho chuke havas
Mere Kareem! tu hi bata kya kya kahoon tujhe
قربان تیرے اے شبِ اسرٰی کے عرش سیر
تنہا خرامِ عالمِ بالا کہوں تجھے
Qurban tere ai shab-e-Asra ke Arsh-seer
Tanha kharaam-e-alam-e-bala kahoon tujhe
اب کر لیا ہے ذوقِ طلب نے یہ فیصلہ
جو کچھ کہوں خدا سے کہوں یا کہوں تجھے
Ab kar liya hai zouq-e-talab ne ye faisala
Jo kuch kahoon Khuda se kahoon ya kahoon tujhe
اُٹھتے ہی ہاتھ بھر گئیں منگتوں کی جھولیاں
حق تو یہ ہے کہ خلق کا داتا کہوں تجھے
Uthte hi haath bhar gayi mangaton ki jholiyan
Haq to ye hai ke khalq ka data kahoon tujhe
جب انتخابِ مالکِ روز جزا ہے تُو
پھر کس لئے نہ مالک و مولیٰ کہوں تجھے
Jab intekhab-e-malikk-e-roz-e-jaza hai tu
Phir kis liye na malik o moulah kahoon tujhe
جی بھر کے دیکھنے بھی نہ دیں شہ کی جالیاں
بس اے ہجومِ اشک مَیں اب کیا کہوں تجھے
Ji bhar ke dekhne bhi na dein shah ki jaaliyan
Bas ai hujoom-e-ashk main ab kya kahoon tujhe
اتنے قریب مجھ کو ملے خُلد میں جگہ
کہنی ہو کوئی بات اگر، جا کہوں تجھے
Itne qareeb mujh ko mile khuld mein jagah
Kehni ho koi baat agar, ja kahoon tujhe
کرتا ہوں اختتامِ سخن اِس پہ اب نصیرؔ
کچھ سُوجھتا نہیں کہ میں کیا کیا کہوں تجھے
Karta hoon ikhtitam-e-sukhan is pe ab Naseer
Kuch soojhta nahi ke main kya kya kahoon tujhe
Share This Naat
Share with friends and family
احمد کہوں کہ حامدِ یکتا کہوں تجھے
سید نصیرالدیں نصیر