حالِ دل کس کو سناؤں آپ کے ہوتے ہوئے
اور دَر پہ کس کے جاؤں آپ کے ہوتے ہوئے
Haal-e-dil kis ko sunaoon aap ke hote hue
Aur dar pe kis ke jaoon aap ke hote hue
میرے تو سب کچھ ہی آقاﷺ آپ ہیں صرف آپ ہیں
اور لو کس سے لگاؤں آپ کے ہوتے ہوئے
Mere tou sab kuch hi aqa ﷺ aap hain sirf aap hain
Aur lo kis se lagaon aap ke hote hue
میرے دکھ کو اور کوئی چارہ گر سمجھے گا کیا
زخمِ دل کس کو دکھاؤں آپ کے ہوتے ہوئے
Mere dukh ko aur koi charaghar samjhay ga kya
Zakhm-e-dil kis ko dikhauon aap ke hote hue
میں کسی حاتم کے آگے اک سوالی کی طرح
ہاتھ کیوں پھیلانے جاؤں آپ کے ہوتے ہوئے
Main kisi Hatim ke aage ik sawali ki tarah
Haath kyun phelane jaoon aap ke hote hue
میرے تو دکھ درد کے واحد مسیحا آپ ہیں
اور میں کس کو بلاؤں آپ کے ہوتے ہوئے
Mere tou dukh dard ke wahid maseeha aap hain
Aur main kis ko bulaoon aap ke hote hue
میں بہت شرمندہ ہوں اپنے گناہوں پر مگر
یہ حقیقت کیوں چھپاؤں آپ کے ہوتے ہوئے
Main bohat sharminda hoon apne gunaahon par magar
Yeh haqeeqat kyun chhupaon aap ke hote hue
جو ستم مجھ پر ہوئے ہیں وقت کے ہاتھوں حضورؐ
اور میں کس کو بتاؤں آپ کے ہوتے ہوئے
Jo sitam mujh par hue hain waqt ke haathon Huzoor ﷺ
Aur main kis ko bataoon aap ke hote hue
میرے لہجے کی تڑپ کو اور پہچانے گا کون
نعت کس کو جا سناؤں آپ کے ہوتے ہوئے
Mere lehje ki tarrap ko aur pehchane ga kaun
Naat kis ko jaa sunaoon aap ke hote hue
آپ کا اقبؔال میرے ساتھ ہے تو فکر کیا
رنجِ محشر کیوں اٹھاؤں آپ کے ہوتے ہوئے
Aap ka Iqbal mere saath hai to fikr kya
Ranj-e-mahshar kyun uthaoon aap ke hote hue
Share This Naat
Share with friends and family
حالِ دل کس کو سناؤں آپ کے ہوتے ہوئے
پروفیسراقبال عظیم