جو ترے نام پہ قربان ہوا کرتے ہیں
یہ وہی لوگ ہیں جو مر کے جیا کرتے ہیں
Jo teray naam pe qurban hua karte hain
Ye wahi log hain jo mar ke jiya karte hain
ترشی موت نشہ ان کا اتارے کیسے
جام جو ان کی نگاہوں کے پیا کرتے ہیں
Turshii maut nasha unka utaare kaise
Jaam jo un ki nigahon ke piya karte hain
یاد فرمائیں گے ہم کو بھی یقیناً آقا
بھیگی پلکوں سے مدینے کی دُعا کرتے ہیں
Yaad farmaein ge hum ko bhi yaqinan aqa
Bheegi palkon se Madine ki dua karte hain
قبر میں آتے ہیں جب ٹھنڈی ہوا کے جھونکے
باب رحمت کے مدینے سے کھلا کرتے ہیں
Qabr mein aate hain jab thandi hawa ke jhonke
Baab e Rehmat ke Madine se khula karte hain
تخت شاہی کو حقارت سے وہ ٹھکراتے ہیں
دردِ دل کی جنہیں دولت وہ عطا کرتے ہیں
Takht e shahi ko haqaarat se woh thukrrate hain
Dard e dil ki jinhein dolat woh ata karte hain
تاج شاہی ہیں گداؤں کے سروں پر سجتے
جب کرم سرور عالم کے ہوا کرتے ہیں
Taaj e shahi hain gadaon ke saron par sajhte
Jab karam Sarwar e Aalam ke hua karte hain
بارگاہ نبوی میں نہ ہوں کیوں کر مقبول
یاد میں اشک جو پلکوں پہ سجا کرتے ہیں
Baargaah e nabvi mein na hoon kyun kar maqbool
Yaad mein ashk jo palkon pe saja karte hain
حق تعالیٰ انہیں خالی نہیں رہنے دیتا
ہاتھ جو ان کے غلاموں کے اٹھا کرتے ہیں
Haq taala unhein khaali nahi rehne deta
Haath jo un ke ghulaamon ke utha karte hain
نام لے کر مرے لج پال کا جو بھی مانگے
دامن اس کا مرے سرکار بھرا کرتے ہیں
Naam le kar mray lajpal ka jo bhi maange
Daaman us ka mray Sarkar bhara karte hain
کوئی تجھ پر نہیں راضی تو نیازی نہ سہی
تجھ سے راضی ترے آقا تو رہا کرتے ہیں
Koi tujh par nahi raazi to Niazi na sahi
Tujh se raazi teray aqa to raha karte hain
Share This Naat
Share with friends and family
جو ترے نام پہ قربان ہوا کرتے ہیں
عبدالستار نیازی