یہ خوشبو مجھے کچھ مانوس سی محسوس ہوتی ہے
مجھے تو یہ مدینے کی گلی محسوس ہوتی ہے
Yeh khushbu mujhe kuch manos si mehsoos hoti hai
Mujhe to yeh Madine ki gali mehsoos hoti hai
یقیناً یہ گزرگاہِ شہنشاہِ دو عالم ہے
فضا میں کس قدر پاکیزگی محسوس ہوتی ہے
Yaqeenan yeh guzargah-e-shehenshah-e-do aalam hai
Faza mein kis qadr pakeezgi mehsoos hoti hai
میری بے نور آنکھوں نے چراغوں کی جگہ لے لی
مجھے اب وہ روشنی ہی روشنی محسوس ہوتی ہے
Meri be noor aankhon ne chiraghon ki jagah le li
Mujhe ab woh roshni hi roshni mehsoos hoti hai
رُکی جاتی ہیں نبضیں اور قدم تھم تھم کے بڑھتے ہیں
مجھے اب قربتِ بابِ نبی ﷺ محسوس ہوتی ہے
Ruki jati hain nabzein aur qadam tham tham ke barhte hain
Mujhe ab qurbat-e-baab-e-nabi ﷺ mehsoos hoti hai
اذان صبح دیتا ہے کوئی لحنِ بلالی میں
یکایک روح میں بالیدگی محسوس ہوتی ہے
Azan e subah deta hai koi lehan-e-Bilali mein
Yakaayak rooh mein balidgi mehsoos hoti hai
ہوائیں گنگناتی ہیں ‘ فضائیں مسکراتی ہیں
میں کھویا جارہا ہوں ‘ بیخودی محسوس ہوتی ہے
Hawayein gungunati hain ' fazayein muskurati hain
Main khoya jaraha hoon ' bekhudi mehsoos hoti hai
جہاں میں اب کھڑا ہوں روضہ ء اقدس ہے یہ شاید
تڑپ سینے میں ‘ آنکھوں میں نمی محسوس ہوتی ہے
Jahan mein ab khara hoon roza e aqdas hai yeh shaayad
Tarap seene mein ' aankhon mein nami mehsoos hoti hai
میں کچھ یوں دم بخود ہوں اس دیارِ رنگ و نکہت میں
کہ اپنی زندگی بھی اجنبی محسوس ہوتی ہے
Main kuch yun dum bakhud hoon is deyare rang o nekhat mein
Ke apni zindagi bhi ajnabi mehsoos hoti hai
جبیں میری عرق آلود ہے احساسِ عصیاں سے
بہت خوش ہوں مگر شرمندگی محسوس ہوتی ہے
Jabein meri arq alood hai ehsaas-e-asyan se
Bohat khush hoon magar sharmindagi mehsoos hoti hai
یہ وہ ارضِ مقدس ہے جہاں کے ذرّے ذرّے میں
ابھی تک نکہت پائے نبی ﷺ محسوس ہوتی ہے
Yeh woh arz-e-muqaddas hai jahan ke zare zare mein
Abhi tak nekkhat paye nabi ﷺ mehsoos hoti hai
کہیں بدرالدجیٰ ﷺ کے نور سے فانوس روشن ہیں
کہیں نور الہدیٰ ﷺ کی آگہی محسوس ہوتی ہے
Kahin Badarudduja ﷺ ke noor se fanoos roshan hain
Kahin Noor-ul-Huda ﷺ ki aagahi mehsoos hoti hai
یہ کس شہر میں اقبؔال قسمت مجھ کو لے آئی
یہاں جو چیز ہے کتنی بڑی محسوس ہوتی ہے
Yeh kis sheher mein Iqbal qismat mujhe le aai
Yahan jo cheez hai kitni barri mehsoos hoti hai
Share This Naat
Share with friends and family
یہ خوشبو مجھے کچھ مانوس سی محسوس ہوتی ہے
پروفیسراقبال عظیم