اگر مِل جائے اذنِ باریابی
فرشتے بھی کریں گے ہم رکابی
Agar mil jaye izn-e-bariyabi
Farishtay bhi karein ge hum rakabi
پرندے فکر کے پہنچے مدینہ
یہی افکار کی ہے کامیابی
Parinday fikr ke pouhnchay Madina
Yehi afkaar ki hai kamiyabi
قرار آئے گا چھو کر جالیوں کو
ابھی تو کیفیت ہے اضطرابی
Qarar aye ga choo kar jaliyon ko
Abhi to kefiyat hai iztarabi
ملے گی اُنؐ کے دستِ مرمریں سے
مقدّر میں اگر ہے کامیابی
Mile gi un ke dast-e-marmari se
Muqaddar mein agar hai kamiyabi
جو نعلینِ نبیؐ سے مُتّصِل تھے
وہ ذرے ہو گئے ہیں ماہتابی
Jo nalain-e-Nabi se muttasil the
Wo zaray ho gaye hain mahtabi
جو کنکر تھے نبیؐ کے راستوں پر
چمک اُن کو ملی ہے آفتابی
Jo kanker the Nabi ke raaston par
Chamak un ko mili hai aftabi
یہ نعتِ مصطفیٰؐ ہے لکھ ادب سے
نہیں اشفاقؔ یہ قِصّہ کتابی
Ye naat-e-Mustafa hai likh adab se
Nahi Ashfaq ye qissa kitabi
Share This Naat
Share with friends and family
اگر مِل جائے اذنِ باریابی
اشفاق احمد غوری