یا سیدِ ابرار تِرا موئے مبارک
کیا خوب ہے خمدار تِرا موئے مبارک
Ya syed-e-abrar tura moay mubarak
Kya khoob hai khumdar tura moay mubarak
لہراتے ہیں ہر شام و سحر نور کے چشمے
ہے بحرِ پُر انوار تِرا موئے مبارک
Lehrate hain har sham o seher noor k chashmay
Hai bahr-e-pur anwar tura moay mubarak
ہر سال ہوا کرتا ہے شاخوں میں اضافہ
بڑھ جاتا ہے ہر بار تِرا موئے مبارک
Har saal hua karta hai shakoon mein izafa
Barh jata hai har baar tura moay mubarak
وہ جنگ کا میداں ہو کہ آقا کوئی مشکل
بنتا ہے مددگار تِرا موئے مبارک
Wo jang ka medan ho keh aaqa koi mushkil
Banta hai madadgar tura moay mubarak
ملتا ہے سکوں دل کو تو اِن آنکھوں کو ٹھنڈک
دیکھوں جو میں ہر بار تِرا موئے مبارک
Milta hai sukoon dil ko to in aankhon ko thandak
Dekhon jo mein har baar tura moay mubarak
ہم اہلِ سنن کے لئے ہے ایک تبرک
یا احمدِ مختار تِرا موئے مبارک
Hum ahle sunan k liye hai aik tabarruk
Ya Ahmed-e-mukhtar tura moay mubarak
یہ حضرتِ طلحہ کے وسیلے سے ملا ہے
رکھتا ہے جو سنسار تِرا موئے مبارک
Yeh Hazrat-e-Talha k waseelay se mila hai
Rakhta hai jo sansar tura moay mubarak
سرکار عجب کیا ہے کہ پا جائے شفا بھی
جو دیکھ لے بیمار تِرا موئے مبارک
Sarkar ajab kya hai keh paa jaye shifa bhi
Jo dekh le bemar tura moay mubarak
اُس پار فضا ہے تِری خوشبو سے معطر
مہکاتا ہے اِس پار تِرا موئے مبارک
Us paar fiza hai teri khushboo se muattar
Mehkaata hai is paar tura moay mubarak
تو رحمتِ عالم کے تنِ پاک کا حصہ
ہم کرتے ہیں اقرار تِرا موئے مبارک
To rehmat-e-alam k tan-e-pak ka hissa
Hum karte hain iqrar tura moay mubarak
بھولے سے بھی پہنچائے جو تجھ کو کوئی ایذا
ہو گا وہ گنہگار تِرا موئے مبارک
Bhoole se bhi pohanchaye jo tujh ko koi eza
Ho ga wo gunehgaar tura moay mubarak
رکھتا ہی نہیں ہے یہ شفیقؔ اُن سے تعلق
جو کرتے ہیں انکار تِرا موئے مبارک
Rakhata hi nahi hai yeh Shafiq un se taluq
Jo karte hain inkar tura moay mubarak
Share This Naat
Share with friends and family
یا سیدِ ابرار تِرا موئے مبارک
شفیق ؔ رائے پوری