جو نہ جانے کہ مقامِ بشریت کیا ہے
کیا وہ سمجھے گا کہ سرکارؐ کی عظمت کیا ہے
Jo na jane kah maqam-e-bashariyat kya hai
Kya woh samjhe ga kah sarkarؐ ki azmat kya hai
ایک اُمّی لقب انساں کی فراست پہ نثار
ساری دُنیا کو بتایا کہ حکومت کیا ہے
Ek um-mi laqab insaan ki farasat pe nisaar
Saari duniya ko bataya kah hukumat kya hai
نکتہ دانوں نے لیا اس سے فصاحت کا سبق
آکے پوچھے کوئی ان سے کہ بلاغت کیا ہے
Nuqta daano ne lia us se fasahat ka sabaq
Aa ke poochay koi un se kah balaghat kya hai
عقل و دانش کی زبان گنگ ، سخنور خاموش
لب کشائی کی کسی کو یہاں جرأت کیا ہے
Aqal o danish ki zuban gung, sukhanwar khamosh
Lab kushai ki kisi ko yahan jurat kya hai
سارے پیمانے غلط ، اور ترازو بیکار
کوئی سمجھا نہ سکا ، ان کی حقیقت کیا ہے !
Saare paimane ghalat, aur tarazu bekaar
Koi samjha na saka, un ki haqiqat kya hai !
ان کے کہنے پہ خدا کو بھی خُدا مانا ہے
اور اس ذات کے عرفان کی صورت کیا ہے
Un ke kehne pe khuda ko bhi khuda mana hai
Aur us zaat ke irfaan ki soorat kya hai
ہے تری ذات سے نسبت یہی دولت ہے مری
تیرے قربان، دوعالم کی حقیقت کیا ہے !
Hai teri zaat se nisbat yehi daulat hai mari
Tere qurban, do aalam ki haqiqat kya hai !
یہ بھی کیا کم ہے کہ ہوں دُور مگر دھیان میں ہوں
اس سے بڑھ کر مرے آقاؐ ، مری قیمت کیا ہے
Ye bhi kya kam hai kah hoon door magar dhiyan mein hoon
Is se barh kar mare aqaؐ, mare qeemat kya hai
اعظؔم اُس محسنِ اعظؔم ؐ کا کرم ہے مجھ پر
ورنہ میں کون ہوں اور میری حقیقت کیا ہے
Azam us Mohsin-e-Azamؐ ka karam hai mujh par
Warna main kon hoon aur meri haqiqat kya hai
Share This Naat
Share with friends and family
جو نہ جانے کہ مقامِ بشریت کیا ہے
محمد اعظم چشتی