روضہ ہے مِرے سامنے گھر بھول گیا ہوں
تھا دل پہ جو دُنیا کا اثر بھول گیا ہوں
Roza hai mire samne ghar bhool gaya hoon
Tha dil pe jo duniya ka asar bhool gaya hoon
اے گنبدِ خضرا میں تِری چھائوں کے قرباں
رستے کا ہر اِک سبز شجر بھول گیا ہوں
Ae gunbad-e-khazra main teri chhaon ke qurban
Raste ka har ik sabz shajar bhool gaya hoon
اِک ایسا سکوں شہر مدینہ میں ملا ہے
میں سارا جہاں ، سارے نگر بھول گیا ہوں
Ik aisa sukoon shehar Madina main mila hai
Main sara jahan, saare nagar bhool gaya hoon
اس ساعتِ خوش بخت کے دامن سے لپٹ کر
وارفتگیٔ شام و سحر بھول گیا ہوں
Is sa-at-e khush bakht ke daaman se lipat kar
Waarfatigi-e shaam o sehar bhool gaya hoon
دیکھی ہے جو آکر تِرے دربار کی عظمت
ہر حُسن کا معیارِ نظر بھول گیا ہوں
Dekhi hai jo aakar tere darbaar ki azmat
Har husn ka miyaar-e nazar bhool gaya hoon
اُمید کے ساحل پہ جو اترا ہوں تو فیضیؔ
دکھ درد کی موجوں کے بھنور بھول گیا ہوں
Umeed ke sahil pe jo utra hoon to Faizi
Dukh dard ki maujon ke bhanwar bhool gaya hoon
Share This Naat
Share with friends and family
روضہ ہے مِرے سامنے گھر بھول گیا ہوں
اسلم فیضی