آقا کی زلفِ نور سے عنبر سحر ملے
مدت سے آرزو ہے کہ اِذنِ سفر ملے
Aaqa ki zulf-e-noor se anbar sahar mile
Muddat se aarzoo hai ke izn-e-safar mile
دہلیزِ مصطفیٰ پہ جھکا دوں میں اپنا سر
مجھ کو اگر حضور مدینے میں گھر ملے
Dehleez-e-Mustafa pe jhuka doon main apna sar
Mujh ko agar Huzoor Madine mein ghar mile
پلکوں سے چن سکوں میں درِ مصطفیٰ کی ضو
نعلینِ مصطفیٰ سے لگی خاکِ در ملے
Palkon se chun sakoon main dar-e-Mustafa ki zou
Nailain-e-Mustafa se lagi khaak-e-dar mile
اے کاش میں بھی جاؤں دیارِ رسول میں
مجھ کو بھی ان کے شہر سے کوئی گہر ملے
Aey kaash main bhi jaoon dayaar-e-Rasool mein
Mujh ko bhi un ke sheher se koi gaher mile
آقا نے جو لگایا تھا پودا کھجور کا
سائے میں بیٹھنے کو مجھے وہ شجر ملے
Aaqa ne jo lagaya tha poda khajoor ka
Saaye mein baithne ko mujhe woh shajar mile
دل میں یہی تمنا مچلتی ہے بار بار
ہر سو جو ان کو پائے وہی بس نظر ملے
Dil mein yehi tamana machalti hai baar baar
Har soo jo un ko paaye wohi bas nazar mile
پتھر نصیب کے ہیں دھنی ان کے شہر میں
بہتر جہاں سے بڑھ کے وہاں کے ثمر ملے
Patthar naseeb ke hain dhani unke sheher mein
Behtar jahaan se barh ke wahan ke samar mile
بڑھتی ہی جا رہی ہے مرے دل کی آرزو
مجھ کو بھی مصطفیٰ کی مؤدت کا زر ملے
Barhti hi ja rahi hai mere dil ki aarzoo
Mujh ko bhi Mustafa ki mo'wadat ka zar mile
آلِ نبی سے جن کی وفا میں شعور تھا
مجھ کو انہی ستاروں سے ارفع اثر ملے
Aal-e-Nabi se jin ki wafa mein shaoor tha
Mujh ko unhi sitaron se arfa asar mile
سِدرہ سے آگے جاتے ہیں نعلینِ مصطفیٰ
جبریل کو جہاں کی نہ قائم خبر ملے
Sidra se aage jatay hain nailain-e-Mustafa
Jibrail ko jahan ki na qayam khabar mile
Share This Naat
Share with friends and family
آقا کی زلفِ نور سے عنبر سحر ملے
سید حب دار قائم