جس کو کرنی ہو متاعِ روزِمحشر مجتمع
دل میں کر لے دولتِ حُبِ پیمبر مجتمع
Jis ko karni ho mata-e-roz-e-mahshar muj'tama
Dil mein kar le daulat-e-hub-e-paimbar muj'tama
کس قدر طیبہ میں ہوتا ہے نظارہ دیدنی
روز ہوتے ہیں جہاں عشاقِ سرور مجتمع
Kis qadar tayyiba mein hota hai nazara deedni
Roz hotay hain jahan aashiqan-e-sarwar muj'tama
سبز پرچم ہاتھ میں اور بر زباں ہوگا درود
ہوں گے جب عشاق بہرِجشنِ سرور مجتمع
Sabz parcham haath mein aur bar zubaan hoga durood
Hon ge jab aashiq bahar-e-jashn-e-sarwar muj'tama
کیا بیاں وصفِ مدینہ ہو جہاں صبح و مسا
خوب برسیں ہو کے ابرِ فیضِ داور مجتمع
Kya bayan wasf-e-madina ho jahan subha-o-masa
Khoob barsay ho ke abr-e-faiz-e-dawar muj'tama
ہوں گے آقاؐ اس جگہ بہرِ شفاعت جان لو
عاصیوں کا ہوگا مجمع جس جگہ پر مجتمع
Hon ge aqa SAW us jagah bahar-e-shafaat jaan lo
Aasiyon ka hoga majma jis jagah par muj'tama
کفر کٹ کر گر گیا ایمان لے آئے عمر
نورِ قرآنی ہوئے جب دل کے اندر مجتمع
Kufr kat kar gir gaya imaan le aaye Umar
Noor-e-Qurani huay jab dil ke andar muj'tama
گھر سے نکلے بے خطر یٰسین پڑھتے شاہِ دیں
تھے کئی کفارِ مکہ گھر کے باہر مجتمع
Ghar se nikle be khatar Yasin padhte Shah-e-deen
Thay kai kuffar-e-Makka ghar ke bahar muj'tama
متحد ہو اے مسلماں دین کو مرکز بنا
شانِ حق پھر سے دکھا باطل کو ہو کر مجتمع
Mutahid ho aye Musalman deen ko markaz bana
Shaan-e-Haq phir se dikha batil ko ho kar muj'tama
اب تو احسؔن نیک بن توبہ کا دامن تھام لے
اور کتنے بارِ عصیاں ہوں گے سر پر مجتمع
Ab to Ahsan naik ban tauba ka daman thaam le
Aur kitne baar-e-isyani honge sar par muj'tama
Share This Naat
Share with friends and family
جس کو کرنی ہو متاعِ روزِمحشر مجتمع
احسن اعظمی