رب کا عرفانِ حق آگہی دے گئے
دینِ بر حق جہاں کو نبیؐ دے گئے
Rab ka irfan-e-haq aagahi de gaye
Deen-e-bar haq jahan ko Nabi (S.A.W) de gaye
ورنہ ہم تیرگی میں بھٹکتے ابھی
ان کے نقشِ قدم روشنی دے گئے
Warna hum teeragi mein bhatakty abhi
Un ke naqsh-e-qadam roshni de gaye
لائے تشریف جب رہبرِ رہبراں
دہر کو اِک نئی زندگی دے گئے
Lae tashreef jab rehbar-e-rehbaraan
Dahr ko ik nai zindagi de gaye
وہ نظامِ مساوات لائے نبیؐ
ایک دہقاں کو بھی رہبری دے گئے
Woh nizam-e-masawat lae Nabi (S.A.W)
Ek dehqan ko bhi rehberi de gaye
ختم کرکے قبیلے علاقے کا فرق
سب کو اِک رتبۂ ہمسری دے گئے
Khatam karke qabile ilaqe ka farq
Sab ko ik rutba-e-hamsari de gaye
مژدۂ آمدِ سید الانبیا
قبلِ آمد ہی سارے نبی دے گئے
Mushda-e-aamad-e-Syed al-Anbiya
Qabl-e-aamad hi saare Nabi de gaye
آل و اصحابِ شہ حسنِ اعمال سے
دہر کو جذبۂ بندگی دے گئے
Aal o ashaab-e-shah husn-e-a'maal se
Dahr ko jazba-e-bandagi de gaye
آئے جھونکے نسیمِ مدینہ کے اور
مجھ کو پھر مژدۂ حاضری دے گئے
Aae jhonke naseem-e-Madina ke aur
Mujhe phir mushda-e-haziri de gaye
اب نہ بھٹکیں گے احسؔن زمانے میں ہم
شاہِ دیں دین کی روشنی دے گئے
Ab na bhatkeinge Ahsan zamanay mein hum
Shah-e-deen deen ki roshni de gaye
Share This Naat
Share with friends and family
رب کا عرفانِ حق آگہی دے گئے
احسن اعظمی