ہیں محمد ﷺ روحِ حیات
ان کا پیکر مظہرِ انوارِ ذات
hain Muhammad ﷺ roh-e-hayat
un ka paikar mazhar-e-anwaar-e-zat
اُن کے دم سے ہے رونقِ بزمِ حیات
اُن کی ممنونِ کرم کل کائنات
un ke dam se hai ronak-e-bazm-e-hayat
un ki mamnoon-e-karam kul kainat
اُن سے پُر رونق تمامِ ہست و بود
اُن کے قدموں میں نظام ممکنات
un se pur ronak tamaam-e-hast o bood
un ke qadmon mein nizam mumkinat
اُن سے لرزاں کفر و باطل کا غرور
اُن کے آگے سرنگوں لات و منات
un se larzan kufr o batil ka gharoor
un ke aage sarngoon lat o manat
اُن کے سر پر ظلِ سبحانی کا تاج
اُ ن کے گرد و پیش جلووں کی برات
un ke sar par zill-e-subhani ka taaj
un ke gird o paish jallowon ki barat
اُن کی صورت عکسِ قرآنِ مبیں
اُن کی سیرت وحیِ ربِ کائنات
un ki soorat aks-e-quran-e-mubeen
un ki seerat wahi-e-Rab-e-kainat
اُن کی سانسیں نکہتِ باغِ جناں
اُن کی باتیں غیرت ِ قند و نبات
un ki saansein nekhat-e-bagh-e-janan
un ki baatein ghairat-e-qand o nabat
اللہ اللہ وہ سفر وہ منزلیں
ساری راتوں سے مقدس تر وہ رات
Allah Allah woh safar woh manzilen
saari raaton se muqaddas tar woh raat
Share This Naat
Share with friends and family
ہیں محمد ﷺ روحِ حیات
پروفیسراقبال عظیم