مجھ سے کیسے ہو بیاں عظمت رسول اللہ کی
جب خدا کرتا ہے خود مدحت رسول اللہ کی
Mujh se kaise ho bayaan azmat-e-Rasul Allah ki
Jab Khuda karta hai khud madah Rasul Allah ki
ب سے بسم اللہ کی والناس کی ہے سین تک
جابجا قرآن میں مدحت رسول اللہ کی
B se Bismillah ki wal-Naas ki hai seen tak
Jabaja Quran mein madah Rasul Allah ki
نام لیتے ہی مشامِ جاں معطر ہوگیا
ذہن و دل میں بس گئی نکہت رسول اللہ کی
Naam lete hi masham-e-jaan muattar ho gaya
Zehn o dil mein bas gayi nakhat Rasul Allah ki
والضحیٰ والیل کی سورت تلاوت کیجئے
سامنے آجائے گی صورت رسول اللہ کی
Wad-Duha wal-Lail ki surat tilawat kijiye
Samne ajaye gi surat Rasul Allah ki
خاک پھینکی کور بختوں کےسروں پر چل پڑے
کیا عظیم الشان تھی ہجرت رسول اللہ کی
Khaak phainki kor bakhton ke saron par chal pare
Kya azeem ushaan thi hijrat Rasul Allah ki
دردِ حُبِ مصطفےٰ اکسیرِ دردِ لاعلاج
ہر مرض کی ہے دوا الفت رسول اللہ کی
Dard-e-hubb-e-Mustafa akseer-e-dard-e-la ilaj
Har marz ki hai dawa ulfat Rasul Allah ki
ہر قدم پر فتح و نصرت نے قدم چوما کیے
رہنما جب سے ہوئی سیرت رسول اللہ کی
Har qadam par fatah o nusrat ne qadam chuma kiye
Rehnuma jab se hui seerat Rasul Allah ki
کیوں نہ ہو جنت ہماری سیدھی سادی بات ہے
’’ ہم رسول اللہ کے جنت رسول اللہ کی ‘‘
Kyun na ho jannat hamari seedhi saadi baat hai
"Hum Rasul Allah ke jannat Rasul Allah ki"
اس کی نظروں میں زمانے کے نظارے پیچ ہیں
جس کی آنکھوں میں بسی صورت رسول اللہ کی
Is ki nazron mein zamane ke nazare pech hain
Jis ki aankhon mein basi surat Rasul Allah ki
بات تو جب ہے اُڑا کر لے چلے طیبہ شفیقؔ
ہند میں رہنے نہ دے فرقت رسول اللہ کی
Baat to jab hai ura kar le chale Tayba Shafiq
Hind mein rehne na de farqat Rasul Allah ki
Share This Naat
Share with friends and family
مجھ سے کیسے ہو بیاں عظمت رسول اللہ کی
شفیق ؔ رائے پوری