کریم اپنے کرم کا صدقہ ضرور دیں گے ضرور دیں گے
مجھے بھی سب کچھ وہ دے رہے ہیں تمہیں بھی سب کچھ حضور دینگے
Kareem apne karam ka sadqa zaroor denge zaroor denge
Mujhe bhi sab kuch woh de rahe hain tumhein bhi sab kuch Huzoor denge
نہیں فقیرو تمہیں سلیقہ سوال کرنے کا تو ہوا کیا
سخی کے در پر تو آکے دیکھو وہ مانگنے کا شعور دیں گے
Nahi faqeeron tumhein saleeqa sawal karne ka to hua kya
Sakhi ke dar par to aake dekho woh maangne ka shaor denge
دوائے غم کی تلاش ہے گر حضور کی محفلوں میں آؤ
کہ ذکر خیر الوری کے لمحے تمہیں نرالا سرور دیں گے
Dawa-e-gham ki talash hai gar Huzoor ki mahfilon mein aao
Ke zikr-e-khair al-wara ke lamhe tumhein nirala suroor denge
کرم کی دولت لٹانے والے دلوں کی دنیا بسانے والے
مرے بھی ظلمت کدۂ دل میں وہ اپنی یادوں کا نور دیں گے
Karam ki daulat lutane wale dilon ki duniya basane wale
Mere bhi zulmat kada-e-dil mein woh apni yaadon ka noor denge
نبی کی رحمت کے جام پینے چلو چلو میکشو مدینے
کرم کے بھر بھر کے جام تم کو حبیب رب غفور دیں گے
Nabi ki rehmat ke jaam peene chalo chalo maiksho Madine
Karam ke bhar bhar ke jaam tum ko Habeeb Rab Ghafoor denge
نہ خوف عصیاں نہ فکر محشر مرا تو کامل یقیں ہے اس پر
میں جس نبی کا ہوں نام لیوا وہ بخش میرے قصور دیں گے
Na khauf asiyan na fikr mahshar mera to kaamil yaqeen hai is par
Main jis Nabi ka hoon naam lewa woh baksh mere qusoor denge
نہ اتنا مایوس ہو نیازی نبی کی ہوگی کرم نوازی
تجھے بھی اپنی تجلیوں کی وہ بھیک اک دن ضرور دیں گے
Na itna mayoos ho Niazi Nabi ki hogi karam nawazee
Tujhe bhi apni tajalliyon ki woh bheek ik din zaroor denge
Share This Naat
Share with friends and family
کریم اپنے کرم کا صدقہ ضرور دیں گے ضرور دیں گے
عبدالستار نیازی