انمول خزانوں کا خزینہ ہے مدینہ
جنت کے مکینوں کا سفینہ ہے مدینہ
Anmol khazanun ka khazina hai Madinah
Jannat ke makinon ka safina hai Madinah
بکھرے ہیں تہِ خاک یہاں چاند ستارے
کتنے ہی جواہر کا دفینہ ہے مدینہ
Bikhre hain teh e khaak yahan chaand sitare
Kitne hi jawahir ka dafinah hai Madinah
گو دونوں مقدس ہیں فرشتوں کی حیا سے
مکہ ہے مگر مکہ ، مدینہ ہے مدینہ
Go donon muqaddas hain farishton ki haya se
Makkah hai magar Makkah, Madinah hai Madinah
روشن ہیں اسی خاک سے قرنوں کی جبینیں
کونین کا دِل ، عرش کا زینہ ہے مدینہ
Roshan hain isi khaak se qarnoon ki jabeenain
Konain ka dil, arsh ka zeena hai Madinah
دونوں ہی جہانوں میں چمک اِس کی نرالی
دونوں ہی جہانوں کا نگینہ ہے مدینہ
Donon hi jahanon mein chamak is ki nirali
Donon hi jahanon ka nageena hai Madinah
رحمت کے سوا اِس کے ہے دامن میں نہ کچھ بھی
برسات سے بھرپور مہینہ ہے مدینہ
Rehmat ke siwa is ke hai daman mein na kuch bhi
Barsat se bharpoor mahina hai Madinah
ہوتی ہے جہاں شام و سحر نُور کی بارش
دنیائے تقدس کا وہ سینہ ہے مدینہ
Hoti hai jahan shaam o sehar noor ki barish
Dunya-e-taqaddus ka wo seena hai Madinah
مہکار سمیٹی ہی نہیں جاتی کسی سے
سرکارؐ دوعالم کا پسینہ ہے مدینہ
Mehkhar samete hi nahin jaati kisi se
Sarkar ﷺ do-alam ka paseena hai Madinah
یہ خاک مقدس ہے گلابوں کی جبیں سے
آہستہ قدم رکھنا مدینہ ہے مدینہ
Yeh khaak muqaddas hai gulaabon ki jabeen se
Aahista qadam rakhna Madinah hai Madinah
Share This Naat
Share with friends and family
انمول خزانوں کا خزینہ ہے مدینہ
انجم نیازی