ذاتِ والا پہ بار بار دُرود
بار بار اور بے شمار دُرود
Zaat-e-wala pe baar baar durud
Baar baar aur bay shumar durud
رُوئے اَنور پہ نور بار سلام
زُلفِ اَطہر پہ مشکبار دُرود
Roo-e-anwar pe noor baar salam
Zulf-e-athar pe mushkbaar durud
اس مہک پر شمیم بیز سلام
اس چمک پہ فروغ بار دُرود
Is mahak par shameem bez salam
Is chamak pe furogh baar durud
ان کے ہر جلوہ پر ہزار سلام
ان کے ہر لمعہ پر ہزار دُرود
In ke har jalwa par hazaar salam
In ke har lam'a par hazaar durud
ان کی طلعت پہ جلوہ ریز سلام
ان کی نکہت پہ عطر بار دُرود
In ki tal'at pe jalwa rez salam
In ki nighat pe 'itr baar durud
جس کی خوشبو بہارِ خلد بسائے
ہے وہ محبوبِ گل عذار دُرود
Jis ki khushbu bahar-e-khuld basaaye
Hai wo mehboob-e-gul azaar durud
سر سے پا تک کرور بار سلام
اور سراپا پہ بے شمار دُرود
Sar se paa tak kror baar salam
Aur sarapa pe bay shumar durud
دل کے ہمراہ ہوں سلام فدا
جان کے ساتھ ہو نثار دُرود
Dil ke hamrah hoon salam fida
Jaan ke saath ho nisaar durud
چارۂ جان درد مند سلام
مرہمِ سینۂ فگار دُرود
Charah-e-jaan dard mand salam
Marham-e-seena-e-figar durud
بے عدد اور بے عدد تسلیم
بے شمار اور بے شمار دُرود
Bay adad aur bay adad tasleem
Bay shumar aur bay shumar durud
بیٹھتے اٹھتے جاگتے سوتے
ہو الٰہی مرا شعار دُرود
Baithte uthte jagte sote
Ho ilahi mera shaar durud
شہریارِ رُسل کی نذر کروں
سب دُرودوں کی تاجدار دُرود
Shehryar-e-rusul ki nazr karoon
Sab durudon ki tajdar durud
گورِ بیکس کو شمع سے کیا کام
ہو چراغِ سرِ مزار دُرود
Gor-e-bekas ko sham'a se kya kaam
Ho charagh-e-sar-e-mazar durud
قبر میں خوب کام آتی ہے
بیکسوں کی ہے یارِ غار دُرود
Qabr mein khoob kaam aati hai
Bekason ki hai yaar-e-ghaar durud
انہیں کس کی دُرود کی پروا
بھیجے جب ان کا کردِگار دُرود
Unhein kis ki durud ki parwa
Bheje jab un ka Kardigar durud
ہے کرم ہی کرم کہ سنتے ہیں
آپ خوش ہو کے بار بار دُرود
Hai karam hi karam ke sunte hain
Aap khush ho ke baar baar durud
جان نکلے تو اس طرح نکلے
تجھ پر اے غمزدوں کے یار دُرود
Jaan nikle to is tarah nikle
Tujh par aye ghamzdun ke yaar durud
دل میں جلوے بسے ہوئے تیرے
لب سے جاری ہو بار بار دُرود
Dil mein jalwe base hue tere
Lab se jari ho baar baar durud
اے حسنؔ خارِ غم کو دِل سے نکال
غمزدوں کی ہے غمگسار دُرود
Aye Hasan khar-e-gham ko dil se nikaal
Ghamzdun ki hai ghamgusar durud
Share This Naat
Share with friends and family
ذاتِ والا پہ بار بار دُرود
حسن رضا خان