ان کے چہرے کی تجلّی سے فضا کیف میں ہے
چوم کر گنبدِ اخضر کو ہوا کیف میں ہے
Un ke chehre ki tajalli se fiza kaif mein hai
Choom kar gunbad-e-akhzar ko hawa kaif mein hai
آمدِ سرورِ عالمؐ سے مُقدّر چمکا
’’ چُھو کے نعلینِ کرم غارِ حرا کیف میں ہے‘‘
Aamad-e-Sarwar-e-Alam (ﷺ) se muqaddar chamka
“Chhoo ke naalain-e-karam gaar-e-hira kaif mein hai”
تُو نے عباسؓ ! وہ کربل میں کیا عہدِ وفا
ایسا ایثار کہ اب لفظِ وفا کیف میں ہے
Tu ne Abbas (ؓ)! woh Karbala mein kya ahd-e-wafa
Aisa eesaar ke ab lafz-e-wafa kaif mein hai
لب پہ جاری ہیں درودوں کے ترانے ہر دم
دل میں جلتا ہوا یادوں کا دیا کیف میں ہے
Lab pe jari hain daroodon ke tarane har dam
Dil mein jalta hua yaadon ka diya kaif mein hai
نعتِ سرکارؐ کا نغمہ ہے کسی کے لب پر
گلستاں جھوم اٹھا ، باد صبا کیف میں ہے
Naat-e-Sarkar (ﷺ) ka naghma hai kisi ke lab par
Gulistan jhoom utha, baad-e-saba kaif mein hai
مرحبا آپؐ کا وہ عرش پہ آنا جانا
شبِ معراج ستاروں کی ضیا کیف میں ہے
Marhaba aap (ﷺ) ka woh arsh pe aana jaana
Shab-e-Mairaj sitaron ki ziya kaif mein hai
میں نے مانگی ہے جلیل ان کے وسیلے سے دعا
دل سے نکلی ہوئی میری یہ دعا کیف میں ہے
Maine maangi hai Jaleel un ke wasile se dua
Dil se nikli hui meri ye dua kaif mein hai
Share This Naat
Share with friends and family
ان کے چہرے کی تجلّی سے
حافظ عبدالجلیل