یاد شبِ اسرا سے جو سینہ مرا چمکا
آنکھوں میں پھری شعلہ بجاں مسجدِ اقصیٰ
Yaad-e-shab-e-asra se jo seena mera chamka
Aankhon mein phiri shola bujaan masjid-e-aqsa
جس ارض مقدّس پہ خداوندِ جہاں نے
سرکارؐ کو نبیوں کی امامت سے نوازا
Jis arz-e-muqaddas pe khudawand-e-jahan ne
Sarkarؐ ko nabiyon ki imamat se nawaza
جس خاک پہ اصحاب کے سجدوں کے نشاں ہیں
جو ہے مرے اسلاف کی تاریخ کا حصہّ
Jis khaak pe ashaab ke sajdon ke nishaan hain
Jo hai mere aslaaf ki tareekh ka hissa
معراجِ سماوی کا جو ہے نقطہ آغاز
جو قبلہ اوّل ہے فدایان ِ ہدیٰ کا
Mairaaj-e-samawi ka jo hai nuqta aaghaaz
Jo qibla awwal hai fadayan-e-huda ka
جس خاک سے آقاؐ مرے پہنچے سرِ قوسین
طے کرتے ہوے عرصہ گہِ عرشِ معلیّٰ
Jis khaak se aaqaؐ mere puhnche sar-e-qausain
Taay karte huye arsah gaah-e-arsh-e-mualla
دل کو مرے تڑپانے لگی پستی اُمّت
جوں جوں مجھے یاد آنے لگی رفعتِ مولیٰ
Dil ko mere tarpane lagi pasti-e-ummat
Joon joon mujhe yaad aane lagi rafat-e-maula
اُس شاہؐ کی اُمت ہوئی محتاجِ زمانہ
ہر نعمتِ کونین ہے جس شہ کا صدقہ
Us shaahؐ ki ummat hui mohtaaj-e-zamana
Har ni'mat-e-kounain hai jis shah ka sadaqa
جو دہر میں فیضانِ رسالت کی امیں ہے
وہ قوم ہوئی صدق و عدالت سے معرّا
Jo dehr mein faizaan-e-risaalat ki ameen hai
Woh qoum hui sidq o adaalat se ma'arra
یہ حالِ زبوں اُمّتِ مرحوم کا یارب!
اب شاعرِ سرکارؐ سے دیکھا نہیں جاتا
Yeh haal-e-zaboon ummat-e-marhoom ka ya rub!
Ab shaair-e-sarkarؐ se dekha nahi jaata
پھر ملۤتِ بیضا کو سر افرازِ جہاں کر
اب پھیر دے ماضی کی طرف چہرہ فردا
Phir millat-e-baidha ko sar-afraaz-e-jahan kar
Ab phir de maazi ki taraf chehra farda
لوٹا دے بہاریں چمنستانِ صفا کی
لہرا دے زمانے میں صداقت کا پھریرا
Loata de bahaaren chamanistaan-e-safa ki
Lehra de zamane mein sadaqat ka pharra
حسرت ہے کہ تائبؔ بھی اُبھرتا ہوا دیکھے
ظلمات کی خندق سے ہدایت کا سویرا
Hasrat hai ke Taebؔ bhi ubharta hua dekhe
Zulmaat ki khandak se hidaayat ka sawera
Share This Naat
Share with friends and family
یاد شبِ اسرا سے جو سینہ مرا چمکا
حفیظ تائب