جو لوگ بن کے ادب دانِ مصطفیٰؐ اُٹّھے
وہ اپنی قسمتِ خوابیدہ کو جگا اُٹّھے
Jo log ban ke adab dan-e Mustafaؐ uthe
Wo apni qismat-e khwabida ko jaga uthe
بساطِ دینِ محمدؐ پہ مات ہی کھائی
مخالفت کے لیے جتنے خود نما اُٹّھے
Bisaat-e deen-e Muhammadؐ pe maat hi khayi
Mukhalfat ke liye jitne khud numa uthe
صبا مدینے کی خُوشبو جو لائی گلشن میں
تمام غنچۂ لب بستہ مُسکرا اُٹّھے
Saba Madine ki khushboo jo layi gulshan mein
Tamam ghancha-e lab basta muskra uthe
یہ آرزو ہے کہ عشقِ نبیؐ بڑھے ہر دَم
الٰہی! درد مِرے دل میں لا دوا اُٹّھے
Yeh aarzoo hai ke ishq-e Nabiؐ badhe har dam
Ilahi! dard mere dil mein la dawa uthe
جب آسماں پہ سواری گئی شبِ اسریٰ
سب انبیاؑ، پئے تعظیمِ مصطفٰؐے اُٹّھے
Jab aasmaan pe sawari gayi Shab-e Isra
Sab ambiyaؑ, pa-e ta'zeem-e Mustafaؐ uthe
مِلا وہ درس، رسولِؐ خدا کی محفل میں
جو آکے بیٹھے، وہ کہتے ’’خُدا ، خُدا‘‘اُٹّھے
Mila wo dars, Rasool-eؐ Khuda ki mehfil mein
Jo aake baithe, wo kehte "Khuda, Khuda" uthe
نصیرؔ! اہلِ سِتم سے بھی یہ سلوک رہا
نبیؐ کے دستِ مبارک پئے دُعا اُٹّھے
Naseerؔ! ahl-e sitam se bhi yeh sulook raha
Nabiؐ ke dast-e mubarak pa-e dua uthe
Share This Naat
Share with friends and family
جو لوگ بن کے ادب دانِ مصطفیٰؐ اُٹّھے
سید نصیرالدیں نصیر