یہ غم نہیں ہمیں روزِ حساب کیا ہوگا
کہ واصفانِ نبی پر عذاب کیا ہوگا
Yeh gham nahi humein roz-e-hisaab kya hoga
Ke wasifan-e-nabi par azaab kya hoga
مجھے یقین ہے ناخوش نہیں ہیں مجھ سے حضورؐ
میں نعت کہتا ہوں مجھ پر عتاب کیا ہوگا
Mujhe yaqeen hai nakhush nahi hain mujh se huzoorﷻ
Main naat kehta hoon mujh par ataab kya hoga
گناہ گار تو میں ہوں ‘ مگر حضورؐ کا ہوں
حضورؐ ہوں گے تو مجھ پر عذاب کیا ہوگا
Gunah gaar to main hoon, magar huzoorﷻ ka hoon
Huzoorﷻ honge to mujh par azaab kya hoga
میرے تو ہاتھ میں ہوگا حضورؐ کا دامن
مرے گناہوں کا اس دن حساب کیا ہوگا
Mere to haath mein hoga huzoorﷻ ka daaman
Mere gunaahon ka us din hisaab kya hoga
درود پاک کا میں ورد ہی نہ چھوڑوں گا
تو کوئی مجھ سے سوال و جواب کیا ہوگا
Darood-e-Paak ka main wird hi na chhodoon ga
To koi mujh se sawaal o jawaab kya hoga
دھرا ہی کیا ہے مرے پاس آنسوؤں کے سوا
گداگروں سے حساب و کتاب کیا ہوگا
Dhara hi kya hai mere paas aansoo’on ke siwa
Gadagaron se hisaab o kitaab kya hoga
مرے تو سر پہ ہے تاجِ غلامئ سرکار
مری طرح کوئی عزّت مآب کیا ہوگا
Mere to sar pe hai taaj-e-ghulami-e-sarkar
Meri tarah koi izzat maab kya hoga
خطاب ہوتے ہیں شاہی مصاحبوں کے لیے
میں بادشاہ ہوں ‘ میرا خطاب کیا ہوگا
Khitaab hote hain shahi musahibon ke liye
Main badshah hoon, mera khitaab kya hoga
میں لاکھ شانِ نبیؐ میں کہوں قصیدہ کوئی
وہ حسب شانِ رسالت مآب کیا ہوگا
Main laakh shan-e-nabiﷻ mein kahoon qaseeda koi
Woh hasb shan-e-Risaalat maab kya hoga
Share This Naat
Share with friends and family
یہ غم نہیں ہمیں روزِ حساب کیا ہوگا
پروفیسراقبال عظیم