رَاہ گُم کردہ مسافر کا نگہبان تُو ہے
اُفقِ باں پہ مثالِ مہِ تاباں تُو ہے
RaaH gum kardah musafir ka ngheban tu hai
Ufq-e baan pe misaal-e mah taban tu hai
تُو جو میرا ہے تو میں بے سروساماں ہی بھلا
لِلِّٰہ الحمد ‘ کہ میرا سروساماں تُو ہے
Tu jo mera hai to main be sar o saamaan hi bhala
Lillahi alhamd, ke mera sar o saamaan tu hai
مجھ کو کیا علم کہ کس طرح بدلتی ہیں رُتیں
جب مرے دشتِ خزاں پر بھی گُل اَفشاں تُو ہے
Mujh ko kya ilm ke kis tarah badalti hain rutein
Jab mere dasht-e khizan par bhi gul afshaan tu hai
اُس خدا سے مجھے کیسے ہو مجالِ اِنکار
جس کے شہ پارہء تخلیق کا عنواں تُو ہے
Us khuda se mujhe kaise ho majal-e inkaar
Jis ke sheh parah-e takhleeq ka unwaan tu hai
اَپنے ہر عزم کی تکمیل پہ ایماں ہے مرا
پَسِ ہر عزم اگر سلسلہ جنباں تُو ہے
Apne har azm ki takmeel pe eemaan hai mera
Pas-e har azm agar silsila janbaan tu hai
تیرے دم سے ہمیں عرفانِ خداوند ملا
نوعِ انساں پہ خدا وند کا اِحساں تُو ہے
Tere dam se humein irfan-e khuda wand mila
Nou-e insaan pe khuda wand ka ehssan tu hai
یہ بتانے کو ‘ کہ با وزن ہے انسان کی ذات
دستِ یزداں نے جو بخشی ہے ‘ وہ میزاں تُو ہے
Yeh batane ko, ke ba wazan hai insaan ki zaat
Dast-e yazdaan ne jo bakhshi hai, wo mezaan tu hai
خاک میں آج بھی ہے گونج ‘ ترے قدموں کی
اَور اَفلاک کی وسعت میں خَراماں تُو ہے
Khaak mein aaj bhi hai goonj, tere qadmon ki
Aur aflaak ki wusat mein kharaamaan tu hai
تُو نے فاقہ بھی کِیا ‘ اَپنا گریباں بھی سِیا
اور پھر ذَاتِ الٰہی کا بھی مہماں تُو ہے
Tu ne faaqah bhi kiya, apna garebaan bhi siya
Aur phir zaat-e elahi ka bhi mehmaan tu hai
تیرا کردار ہے اَحکامِ خدا کی تائید
چلتا پھرتا ‘ نظر آتا ہوا قرآں تُو ہے
Tera kirdar hai ahkaam-e khuda ki taaeed
Chalta phirta, nazar aata hua Quran tu hai
رنگ کی قید ‘ نہ قدغن کوئی نسلوں کی یہاں
جس کے دَر سب پہ کھلے ہیں وہ دَبستاں تُو ہے
Rang ki qaid, na qadghan koi naslon ki yahan
Jis ke dar sab pe khule hain wo dabestaan tu hai
میرے نقاد کو شاید ابھی معلوم نہیں
میرا اِیماں ہے مکمل ‘ مرا اِیماں تُو ہے
Mere naqaad ko shayad abhi maloom nahi
Mera eeman hai mukammal, mera eeman tu hai
Share This Naat
Share with friends and family
رَاہ گُم کردہ مسافر کا نگہبان تُو ہے
احمد ندیم قاسمی