تيرے ہوتے جنم ليا ہوتا
کوئی مُجھ سا ، نہ دُوسرا ہوتا
Tere hote janam liya hota
Koi mujh sa, na doosra hota
سانس لیتا تو، اور میں جی اُٹھتا
کاش مکّہ کی میں فضا ہوتا
Saans leta to, aur main jee uthta
Kash Makkah ki main fiza hota
ہِجرتوں ميں پڑاؤ ہوتا ميں
اور تُو کُچھ دير کو رُکا ہوتا
Hijraton mein parao hota main
Aur tu kuch dair ko ruka hota
تيرے حُجرے کے آس پاس کہيں
ميں کوئی کچاراستہ ہوتا
Tere hujray ke aas paas kahin
Main koi kacha raasta hota
بيچ طائف بوقتِ سنگ زنی
تيرے لب پر سجی دُعا ہوتا
Beech Ta'if ba-waqt sang zani
Tere lab par saji dua hota
کِسی غزوہ ميں زخمی ہو کر ميں
تيرے قدموں پہ جاگِرا ہوتا
Kisi ghazwa mein zakhmi ho kar main
Tere qadmon pe ja gira hota
کاش اُحد ميں شريک ہو سکتا
اور باقی نا پِھر بچا ہوتا
Kash Uhud mein shareek ho sakta
Aur baqi na phir bacha hota
تیری کملی کا سوت کیوں نہ ہوا
کہ تیرے شانوں پہ جھولتا ہوتا
Teri kamli ka soot kyun na hua
Ke tere shanon pe jhoolta hota
چوب ہوتا میں تیری چوکھٹ کی
یا تیرے ہاتھ کا عصا ہوتا
Chob hota main teri chaukhat ki
Ya tere hath ka asa hota
تيری پاکيزہ زِ ندگی کا ميں
کوئی گُمنام واقِعہ ہوتا
Teri paakeeza zindagi ka main
Koi gumnaam waqia hota
لفظ ہوتا میں کسی آیت کا
جو تیرے ہونٹ سے ادا ہوتا
Lafz hota main kisi aayat ka
Jo tere hont se ada hota
ميں کوئی جنگجُو عرب ہوتا
جو تيرے سامنے جُھکا ہوتا
Main koi janjoo Arab hota
Jo tere samney jhuka hota
ميں بھی ہوتا تيرا غُلام کوئی
لاکھ کہتا ، نہ ميں رِہا ہوتا
Main bhi hota tera ghulam koi
Laakh kehta, na main riha hota
سوچتا ہوں تب جنم لیا ہوتا
جانے پھر کیا سے کیا ہوا ہوتا
Sochta hoon tab janam liya hota
Jaane phir kya se kya hua hota
چاند ہوتا تیرے زمانے کا
پھر تیرے حکم سے بٹا ہوتا
Chaand hota tere zamane ka
Phir tere hukum se bata hota
پانی ہوتا اُداس چشموں کا
تیرے قدموں میں بہہ گیا ہوتا
Pani hota udaas chashmon ka
Tere qadmon mein beh gaya hota
پودا ہوتا میں جلتے صحرا میں
اور تیرے ہاتھ سے لگا ہوتا
Poda hota main jalte sehra mein
Aur tere haath se laga hota
تیری صحبت مجھے ملی ہوتی
میں بھی تب کتنا خوش نما ہوتا
Teri sohbat mujhe mili hoti
Main bhi tab kitna khush numa hota
مجھ پر پڑتی جو تیری نظر کرم
آدمی کیا، میں معجزہ ہوتا
Mujh par parti jo teri nazar karam
Aadmi kya, main mo'jza hota
ٹکڑا ہوتا ، میں ایک بادل کا
اور تیرے ساتھ گھومتا ہوتا
Tukra hota, main aik baadal ka
Aur tere saath ghoomta hota
آسماں ہوتا، عُہد نبوی کا
تجھ کو حیرت سے دیکھتا ہوتا
Aasman hota, ahd-e-nabwi ka
Tujh ko hairat se dekhta hota
خاک ہوتا ميں تيری گليوں کی
اور تيرے پاؤں چُومتا ہوتا
Khaak hota main teri galiyon ki
Aur tere paoon choomta hota
پيڑہوتا کھجُور کا کوئی
جِس کا پھل تُو نے کھا ليا ہوتا
Pairh hota khajoor ka koi
Jis ka phal tu ne kha liya hota
بچّہ ہوتا اِک غريب بيوہ کا
سر تيری گود ميں چُھپا ہوتا
Baccha hota ik gareeb beowa ka
Sar teri god mein chhupa hota
رستہ ہوتا تيرے گُزرنے کا
اور تيرا رستہ ديکھتا ہوتا
Rasta hota tere guzrne ka
Aur tera rasta dekhta hota
بُت ہی ہوتا ميں خانہ کعبہ کا
جو تيرے ہاتھ سے فنا ہوتا
But hi hota main khana-e-kabah ka
Jo tere hath se fana hota
مُجھ کو خالق بناتا غار ،حسن
اور ميرا نام بھی حِرا ہوتا
Mujh ko khaliq banata ghaar, Hasan
Aur mera naam bhi Hira hota
Share This Naat
Share with friends and family
تیرے ہوتے جنم لیا ہوتا
حسن نثار