اہلِ صِراط رُوحِ امیں کو خبر کریں
جاتی ہے اُمّتِ نبوی فرش پر کریں
Ahl-e-siraat rooh-e-ameen ko khabar karein
Jaati hai ummat-e-nabvi farsh par karein
اِن فتنہ ہائے حشر سے کہدو حَذَرْ کریں
نازوں کے پالے آتے ہیں رہ سے گزر کریں
In fitna haa-e-hashr se kahdo hazar karein
Naazon ke paale aate hain rah se guzar karein
بد ہیں تو آپ کے ہیں بھلے ہیں تو آپ کے
ٹکڑوں سے تو یَہاں کے پلے رُخ کِدھر کریں
Bad hain to aap ke hain bhale hain to aap ke
Tukron se to yahan ke pale rukh kidhar karein
سرکار ہم کمینوں کے اطوار پر نہ جائیں
آقا حضور اپنے کرم پر نظر کریں
Sarkar hum kameeno ke otwaar par na jaayein
Aaqa huzoor apne karam par nazar karein
ان کی حرم کے خار کشیدہ ہیں کس لئے
آنکھوں میں آئیں سر پہ رہیں دِل میں گھر کریں
Un ki haram ke khaar kasheeda hain kis liye
Aankhon me aayen sar pe rahein dil me ghar karein
جالوں پہ جال پڑ گئے لِلّٰہ وقت ہے
مشکل کشائی آپ کے ناخن اگر کریں
Jalon pe jaal par gaye lillah waqt hai
Mushkil kashai aap ke naakhun agar karein
منزل کڑی ہے شان تبسّم کرم کرے
تاروں کی چھاؤں نور کے تڑکے سفر کریں
Manzil kadi hai shaan tabassum karam kare
Taaron ki chhaon noor ke tarke safar karein
کلکِ رضا ؔ ہے خنجرِ خونخوار برق بار
اعدا سے کہدو خیر منائیں نہ شر کریں
Kalk-e-Raza hai khanjar-e-khoonkhaar barq bar
Aada se kahdo khair manayein na shar karein
Share This Naat
Share with friends and family
اہلِ صِراط رُوحِ امیں کو خبر کریں
احمد رضا خان بریلوی