تنہائی میں بھیڑ لگا دوں بھیڑ میں پھروں اکیلی
تیری راہ میں لُٹ کر میں نے اپنی قیمت لے لی
Tanhai mein bhir lagadun bhir mein phirun akeli
Teri rah mein lut kar maine apni qeemat le li
نام ترا لے لے کر اپنے آپ کو دوں آوازیں
تیرے اندر ڈوب کے پار اتر گئی میں البیلی
Naam tera le le kar apne aap ko dun awazen
Tere andar doob ke paar utar gayi mein al-beli
تیرے قدموں پر سر رکھ کر بڑھالیا قد اپنا
اوڑھ کے تیرے لگن کے شعلے تیز ہوا سے کھیلی
Tere kadmon par sar rakh kar barha liya qad apna
Orh ke tere lagan ke sholay tez hawa se kheli
رہوں خود اپنی آنکھ سے اُوجھل جب سے تجھ کو دیکھا
جب سے تیرا دامن تھاما چمکے مری ہتھیلی
Rahun khud apni aankh se ojhal jab se tujh ko dekha
Jab se tera daaman thama chamke meri hatheli
تیرے دھیان کی دیواروں سے لپٹ کر روؤں
تیری آہٹ سے آباد ہے میری عشق حویلی
Tere dhyaan ki deewaron se lipat kar ro'un
Teri aahat se abaad hai meri ishq haveli
نکلی تھی میں تجھے ڈھونڈھنے گم خود کو کر ڈالا
کچھ تیرے انداز نرالے اور کچھ میں البیلی
Nikli thi mein tujhe dhondhne gum khud ko kar dala
Kuch tere andaaz nirale aur kuch mein al-beli
ہجر کا پنجرہ کھول کے جانے کب تقدیر اڑا دے
بوجھتی رہ جائے گی دُنیا میری درد پہیلی
Hijr ka pinjra khol ke jane kab taqdeer ura de
Bojhti rah jaegi duniya meri dard peheli
ٹھاٹھیں مار رہے ہیں مجھ میں عشق کے سات سمندر
جب سے مجھ پر تو نے رحمت کی اک بوند انڈیلی
Thathain maar rahe hain mujh mein ishq ke saat samundar
Jab se mujh par tu ne rehmat ki ik boond andeli
اُجلے اُجلے کفن میں ڈھانپ کے بوسیدہ تن اپنا
پھر سے میں ایک بار مظفر ہو گئی نئی نویلی
Ujle ujle kafan mein dhanp ke boseeda tan apna
Phir se mein ek baar Muzaffar ho gayi nai naveli
Share This Naat
Share with friends and family
تنہائی میں بھیڑ لگا دوں بھیڑ میں پھروں اکیلی
مظفر وارثی