عیدِمیلادُالنَّبی ہے دل بڑا مسرور ہے
ہر طرف ہے شادمانی رنج و غم کافور ہے
Eid-e-Milad-un-Nabi hai dil bara masroor hai
Har taraf hai shadmani ranj o gham kafoor hai
اِس طرف جو نور ہے تو اُس طرف بھی نور ہے
ذرَّہ ذرَّہ سب جہاں کا نُور سے معمور ہے
Is taraf jo noor hai to us taraf bhi noor hai
Zarra zarra sab jahan ka noor se mamoor hai
ہر مَلَک ہے شادماں خوش آ ج ہر اک حور ہے
ہاں ! مگر شیطان مَع رُفَقا بڑا رنجور ہے
Har malak hai shadman khush aaj har ik hoor hai
Haan! magar shaitan ma'a rufaqa bara ranjoor hai
آمدِسرکار سے ظلمت ہوئی کافور ہے
کیا زمیں کیا آسماں ہر سمت چھایا نور ہے
Aamad-e-Sarkar se zulmat hui kafoor hai
Kya zameen kya aasmaan har simt chhaya noor hai
جشنِ میلادُالنَّبی ہے کیوں نہ جھومیں آج ہم
مسکراتی ہیں بہاریں سب فَضا پُر نُور ہے
Jashn-e-Milad-un-Nabi hai kyon na jhoomen aaj hum
Muskuraati hain baharein sab faza pur noor hai
ہو رہی ہیں چار جانب بارشیں انوار کی
دشت و کُہسار و چمن ہر شے پہ چھایا نور ہے
Ho rahi hain chaar janib barishen anwaar ki
Dasht o kuhsar o chaman har shai pe chhaya noor hai
مل کے دیوانو! پڑھو سارے دُرُود اب جھوم کر
آج وہ آیا جہاں میں جو سراپا نور ہے
Mil ke diwano! padho sare durood ab jhoom kar
Aaj woh aaya jahan mein jo sarapa noor hai
آمِنہ تجھ کو مبارَک شاہ کا مِیلاد ہو
تیرا آنگن نور، تیرا گھر کا گھر سب نور ہے
Aaminah tujh ko mubarak Shah ka milad ho
Tera angan noor, tera ghar ka ghar sab noor hai
غمزدو! تم کو مبارَک! غم غَلَط ہو جا ئیں گے
آگیا وہ جس کے صدقے ہر بلا کافور ہے
Gamzadu! tum ko mubarak! gham ghalat ho jayenge
Aagaya woh jis ke sadqe har bala kafoor hai
آج دیوانے مدینے کے سبھی ہیں شادماں
میٹھے آقا کی ولادت سے ہر اک مسرور ہے
Aaj deewane Madine ke sabhi hain shadman
Meethay Aaqa ki wiladat se har ek masroor hai
بخش دے مجھ کو الٰہی بَہرِ میلادُالنبی
نامۂ اعمال عصیاں سے مرا بھرپور ہے
Bakhsh de mujh ko Ilahi bahr-e Milad-un-Nabi
Nama-e aamaal isyan se mera bharpoor hai
گنبدِ خَضرا کا اُس کو بھی تو اب دیدار ہو
یاالٰہی! جو مدینے سے ابھی تک دور ہے
Gunbad-e khadra ka us ko bhi to ab deedaar ho
Ya Ilahi! jo Madine se abhi tak door hai
آپ کی نظرِ کرم سے کام بنتے ہی گئے
ورنہ آقا یہ گدا تو بے کس و مجبور ہے
Aap ki nazar-e karam se kaam bante hi gaye
Warna Aaqa yeh gada to bekas o majboor hai
یاالٰہی! اپنے پیارے کا عطا ہو غم مجھے
خوش نصیبی اُس کی اُن کے غم میں جو رَنجُور ہے
Ya Ilahi! apne pyare ka ata ho gham mujhe
Khush naseebi us ki un ke gham mein jo ranjoor hai
شان کیا پیارے عمامے کی بیاں ہو یانبی
تیرے نعلِ پاک کا ہر ذرَّہ رشکِ طور ہے
Shaan kya pyare emame ki bayan ho ya Nabi
Tere na'al-e paak ka har zarra rashk-e toor hai
صد کروڑ افسوس! فیشن کی نُحوست چھا گئی
آہ! اِک تعداد اُن کی سنّتوں سے دور ہے
Sad karor afsos! fashion ki nuhussat chha gayi
Aah! ik taadaad un ke sunnaton se door hai
’’ہوں غلامِ مصطَفٰے‘‘ اپنا تو دعویٰ ہے یہی
کاش! آقا بھی یہ فرما دیں ہمیں منظور ہے
"Hoon gulaam-e Mustafa" apna to dawa hai yahi
Kaash! Aaqa bhi yeh farma dein humein manzoor hai
وہ پِلا مے اہلِ محشر دیکھتے ہی بول اٹھیں
آگیا عطارؔ دیکھو عشق میں مخمور ہے
Woh pila me ahl-e mahshar dekhte hi bol uthain
Aagaya Attar dekhon ishq mein makhmoor hai
Share This Naat
Share with friends and family
عیدِمیلادُالنَّبی ہے دل بڑا مسرور ہے
الیاس عطار قادری